ཐེ་བྲག་པས་རང་ས་བཟུང་།

༄༅། །ཁོ་བོས་སྔོན་ནས་དྲ་ཚིགས་འདྲ་མིན་དང་པོད་ཁུག་འདྲ་མིན་དུ་དྲ་རྩོམ་དང་དྲན་ཚུལ་མང་བོ་སྤེལ་མྱོང་ནའང་། ད་བར་དུ་ཕལ་ཆེར་ཡོད་ཚད་རང་ཉིད་ལ་དབང་བའི་དྲ་དེབ་ཅིག་བཟོ་ཁོམ་མ་མྱུང་། འོན་ཀྱང་། དེ་རིང་ཐུག་སྟངས་ཤིག་གིས་དྲ་དེབ་བམ་པོད་ཁུག་ཞབས་འདེབས་དྲ་ཚིགས་འདི་དང་ཐུག་པས། དེ་མ་ཐག་དང་བ་འདྲེན་པ་ཞིག་ཡིན་པ་རྟོགས།
གྲོགས་པོ་ཚོ། ཁོ་བོས་འདིར་གཙོ་བོ་རང་ཉིད་ཀྱི་ཉིན་རེའི་འཚོ་བའི་ཁྲོད་དང་། དྲ་ཚིགས་དང་དཔེ་དེབ་ཐོག་ནས་རྙེད་པའི་ཉམས་མྱོང་དང་རྟོགས་སད་ཐད་ཀར་འགོད་འདོད་ཡོད། སྤྱིར་ང་ཚོ་གདོང་དམར་པར་མཚོན་ན་མི་རིགས་ཀྱི་བདེ་སྡུག་གླེང་རྒྱུ་ནི་མགོ་ནག་ལྟོ་ལ་བརྟེན་པ་ལྟར་རང་ཆས་སུ་ཡོད་མོད། གནས་དུས་ཀྱི་དབང་གིས་བཤད་འདོད་པའི་སྐད་ཆར་ཚད་བཀག་ལོས་ཡོད།
དེ་ལྟ་ནའང་། མི་རེ་རེས་ནུས་པ་རེ་རེ་བཏོན་ཡོང་ན། ང་ཚོའི་མི་རིགས་སྐད་ཡིག་དང་བཅས་པ་འཛམ་གླིང་མི་སྡེ་འདིར་མུ་མཐུད་དུ་མགོ་འཕང་མཐོན་པོས་གནས་ཐུབ་པར་གདོན་མི་ཟ། དེ་ལྟར་མ་བྱས་ན་ནམ་ཞིག་ང་ཚོ་ང་ཚོའི་ཕྱི་རབས་པ་ཚོར་ངོ་ནོངས་དགོས་པའི་དུས་ཤིག་སླེབས་མི་སྲིད་ཅེས་སུས་བཤད་ནུས།
ཡ་ད་དེ་རིང་འདི་ལྟ་བུ་ཞིག་བྱེད། མ་འོངས་པར་མུ་མཐུད་དུ་སྤེལ།
འོ་རེད། སྤྱིར་དྲང་བདེན་གྱི་སྐད་ཆ་བཤད་དགོས་པ་སྨྲོས་མེད་ཀྱང་། འོན་ཀྱང་། དོན་དག་ཆེན་པོ་མེད་སར་དྲ་ཚིགས་བཀག་འགོག་མི་ཡོང་ཆེད་ཁོ་བོའི་དྲ་ཐོག་ཏུ་གནས་ཡུལ་རྒྱལ་ཁབ་ཀྱི་ཡུལ་ཁྲིམས་དང་འགལ་བའི་གནས་ཚུལ་མི་སྤེལ་བར་མཁྱེན། ང་ཚོས་མི་འགའ་རེའི་སེམས་རྒྱ་ཆེ་ཆུང་མི་ཤེས་པ་མ་རེད།

ཐུགས་རྗེ་ཆེ།

5 comments:

Anonymous said...

ཚོད་ལྟའི་ཚུལ་དུ་སྤེལ།

Anonymous said...

དགའ་བསུ་ཞུ།

ཐེ་བོ་གངས་སེང་། said...

ཁྱེད་ཀྱི་པོད་ཁུག་འདི་མུ་མཐུད་དེ་ཡར་རྒྱས་འགྲོ་བའི་སྨོན་འདུན་ཞུ།

ཐེ་བོ་རྒྱ་དགེ་ཤེས་འབོད་པ་ནས་ said...

ཐེ་བྲག་པ་ལགས་སྐུ་ཉིད་ཀྱི་ཕུན་སུམ་ཚོགས་པའི་པོད་ཁུག་འདི་མུ་མཐུད་དེ་ཡར་རྒྱས་འགྲོ་བའི་སྨོན་འདུན་ཡངཡང་ཞུ།

Anonymous said...

ཁྱེད་ཀྱི་པོད་ཁུག་ཧ་ཅང་ཡག་པོ་འདུག

Post a Comment

དཔྱད་གླེང་སྤེལ་བར་དགའ་བསུ་ཞུ། རང་ཉིད་ཀྱི་མིང་ངམ་མིང་ཚབ་སྤྱོད་འདོད་ན་Comment as:ཞེས་པའི་འགྲམ་གྱི་གདམ་ངའི་ཐིག་བྱང་ལས་Name/URLའདེམས་དགོས་ལ། དེ་མིན་མིང་མེད་པར་སྤེལ་འདོད་ན་ཐད་ཀར་སྤེལ་ཆོག་ལ་ཐིག་བྱང་ལས་Anonymousཞེས་པ་འདེམས་ཀྱང་ཆོག
འདིར་གནས་ཡུལ་རྒྱལ་ཁབ་ཀྱི་ཡུལ་ཁྲིམས་དང་འགལ་བའི་སྐད་ཆ། གང་ཟག་སྒེར་པར་ངོ་མཚང་འབྲུ་བའི་སྐད་ཆ། དེ་བཞིན་ཆོས་ལུགས་དང་རིག་གཞུང་ཕན་ཚུན་ལ་མཐོང་ཆུང་གི་སྐད་ཆ་བཅས་སྤོང་རོགས།
དཔྱད་གཏམ་སྤེལ་ཚར་རྗེས་མདུན་ཤོག་སྟེང་དུ་ཕྱིར་འགྲོ་འདོད་ན་ཀླད་ཀྱི་པོད་ཁུག་གི་མིང་བྱང་སྟེང་དུ་མནན་ན་ཆོག་ལ་འདབས་ཀྱི་Homeཞེས་པའི་སྟེང་དུ་མནན་པས་ཀྱང་ཆོག