འཛམ་གླིང་འཕྲོད་བསྟེན་རྩ་འཛུགས་ཀྱིས་ནད་རིམས་H1N1ཀ་པ་དེ་ཚོད་ལྟ་ཁང་ཞིག་ལས་ཐོན་པའི་ནད་འབུ་ཞིག་ཡིན་པར་བརྗོད་པ་དེར་ངོས་ལེན་བྱས་མེད།

འཛམ་གླིང་འཕྲོད་བསྟེན་རྩ་འཛུགས་ཀྱིས་གཟའ་ཕུར་བུའི་ཉིན་ཨོ་སི་ཁྲི་ལི་ཡའི་ནད་རིམས་ཉམས་ཞིབ་པ་ཞིག་གིས་H1N1ཀ་པའི་ཆམ་རིམས་ནད་འབུ་དེ་ཚོད་ལྟ་ཞིག་ནས་སྦྱོར་སྐྲུན་བྱས་ཏེ་འཛམ་གླིང་ལ་ཁྱབ་བརྡལ་དུ་བཏང་བ་ཡིན་སྐོར་གྱི་བཤད་ཚུལ་དེར་ངོས་ལེན་མེད་སྐོར་གྱི་གསལ་བསྒྲགས་གནང་ཡོད་པ་རེད།

འཛམ་གླིང་འཕྲོད་བསྟེན་རྩ་འཛུགས་ཀྱི་འཕྲོད་བསྟེན་གྱི་བདེ་འཇགས་དང་ཁོར་ཡུག་སྡེ་ཁག་གི་འགན་འཛིན་གཞོན་པ་སྨན་རམས་པ་ཁེའེ་ཇིས་ཧྥུ་ཁུ་དཱ་ལགས་ཀྱིས་ཇི་ནི་ཝ་གྲོང་ཁྱེར་དུ་གསར་འགོད་གསལ་བསྒྲགས་སྟེང་དུ་གསུང་དོན། “ཚོད་ལྟ་བྱས་པའི་དཔང་རྟགས་ལས་ར་སྤྲོད་བྱུང་བ་ལྟར་ན། ད་ཐེངས་ཀྱི་ཆམ་རིམས་ནད་འབུ་འདི་རང་བྱུང་གིས་གྲུབ་པ་ཞིག་ཡིན་པ་ལས་ཚོད་ལྟ་ཁང་ག་གེ་མོས་སྦྱོར་སྐྲུན་བྱས་པ་ཞིག་མ་རེད།” ཅེས་བརྗོད་ཡོད།

འཛམ་གླིང་འཕྲོད་བསྟེན་རྩ་འཛུགས་ཀྱིས་མཉམ་འབྲེལ་ཚན་རིག་ལྟེ་གནས་ཁག་གི་ཚན་རིག་པ་རྣམས་དང་མཉམ་འབྲེལ་རྒྱལ་ཚོགས་ཀྱི་བཟའ་ཆས་དང་ཞིང་ལས་རྩ་འཛུགས་ཀྱི་ཚན་རིག་པ་ཁག དེ་བཞིན་འཛམ་གླིང་སྲོག་ཆགས་འཕྲོད་བསྟེན་རྩ་འཛུགས་ཀྱི་ཚན་རིག་པ་ཁག་བཅས་དང་ལྷན་དུ་བརྟག་དཔྱད་དང་ཞིབ་འཇུག་གཟབ་ནན་བྱས་མཐར་གོང་གི་བཤད་སྲོལ་དེར་ངོས་ལེན་མེད་པ་ཐག་གིས་བཅད་ཡོད་པ་རེད་ཅེས་སྨན་རམས་པ་ཧྥུ་ཁུ་དཱ་ལགས་ཀྱིས་གསལ་བཤད་གནང་།

ཁོ་མོས་གསུང་དོན། “ཚན་རིག་པ་རྣམས་ཀྱིས་ཚོད་བགམ་གྱི་བཤད་སྟངས་དེར་དོ་སྣང་ནན་མོ་བྱས་མོད། མཐའ་མར་བཤད་སྟངས་འདི་ནི་ཞིབ་འཇུག་བྱེད་རིན་མེད་པ་ཞིག་ཡིན་པ་ར་སྤྲོད་བྱུང་།”

ཉེ་སྔོན་ཨོ་སི་ཁྲི་ལི་ཡའི་ཉམས་ཞིབ་པ་ཨཌ་རིའན་རྒིབ་སི་ལགས་ཀྱིས་འཛམ་གླིང་མི་དམངས་ལ་དོགས་པ་འདི་འདྲ་ཞིག་བསླངས་ཡོད། དེ་ཡང་ད་ཐེངས་ཀྱི་ཆམ་རིམས་ཀྱི་ནད་འབུ་འདི་ཚན་རིག་པ་ཚོས་སྨན་ཁབ་སྨན་རྫས་སྦྱོར་སྒྲུབ་བྱེད་སྐབས་སྨན་སྦྱོར་སྒོང་བ་ལས་རྐྱེན་དབང་གིས་འཕེལ་འགྱུར་བྱུང་བ་ཞིག་ཡིན་སྲིད་སྐོར་བརྗོད་ཡོད་པ་རེད།

-- ཐེ་བྲག་པས་རྩོམ་སྒྱུར་བྱས།

༄༅།།སྐད་གཉིས་སློབ་ཁྲིད་ལ་བརྟེན་ནས་རྩིས་འཁོར་དྲ་རྒྱའི་སློབ་གསོ་ཅུང་ཙམ་གླེངབ།

ཚེ་རིང་བཀྲ་ཤིས་ཀྱིས་བྲིས། པད་མ་ཚེ་བརྟན་གྱིས་བསྒྱུར།

「ནང་དོན་གནད་བསྡུས」 སྐད་གཉིས་ནི་རང་རྒྱལ་གྲངས་ཉུང་མི་རིགས་ཀྱི་སློབ་གསོའི་རྩ་བའི་ཁྱད་ཆོས་ཞིག་ཡིན་ལ། རྩིས་ འཁོར་དྲ་རྒྱ་ཡང་གྲངས་ཉུང་མི་རིགས་ཀྱི་སྐད་དང་རྒྱ་སྐད་ཟུང་འབྲེལ་བྱས་ནས་ ཁྲིད་ན་མི་རིགས་ཀྱི་སློབ་གསོ་གོང་སྤེལ་དུ་གཏོང་བའི་ཐབས་གལ་ཆེན་ཞིག་ཡིན།

「གནད་འགག་ཚིག」 སྐད་གཉིས་དཔེ་ཁྲིད། རྩིས་འགོར་དྲ་རྒྱ། ཐབས་ལམ་གསར་བ། ཚན་རིག་ཟུང་འབྲེལ།

དང་བོ། སྐད་གཉིས་སློབ་གསོ་དང་དེ་ཁྲིད་པའི་དགོས་པ་བཤད་པ།

དུས་རབས་ཉི་ཤུ་བའི་དུས་སྨད་ནས་བཟུང༌། རང་རྒྱལ་གྲངས་ཉུང་མི་རིགས་སོ་སོས་རང་ཉིད་ལ་འཚམ་པའི་དེང་རབས་སློབ་གསོའི་མ་ལག་རེ་ཚུགས་ཡོད། སློབ་ གསོའི་ཕྱོགས་ཀྱི་ལག་ལེན་ལས་བདེན་དཔང་ཐོབ་པ་ལྟར་ན། ཐུན་མོང་མ་ཡིན་པའི་གྲངས་ཉུང་མི་རིགས་ས་ཁུལ་དུ་ཆེས་འཚམ་པའི་སློབ་ཁྲིད་བྱེད་ ཐབས་ནི་སྐད་གཉིས་དཔེ་ཁྲིད་རེད། སྐབས་འདིར་བསྟན་པའི་སྐད་གཉིས་ནི་རྒྱ་སྐད་དང་གྲངས་ཉུང་མི་རིགས་ཀྱི་ཕ་སྐད་ལ་གོ་བ་ཡིན། གྲངས་ཉུང་མི་རིགས་ཀྱི་སྐད་དང་རྒྱ་སྐད་ཟུང་སྦྲགས་བྱས་ནས་སྐད་གཉིས་དཔེ་ཁྲིད་ བྱེད་རྒྱུ་དེ་དཔེ་ཁྲིད་བརྒྱུད་རིམ་ཁྲོད་མེད་དུ་མི་རུང་བའི་ལག་ཆ་ལྟ་བུ་གཉིས་ ཡིན། ས་གནས་ཀྱི་ཁྱད་ཆོས་གཞིར་བཟུང་ཏེ་གྲངས་ཉུང་མི་རིགས་འདུས་སྡོད་ས་ཁུལ་ནས་སྐད་ གཉིས་སློབ་གསོ་དང་འཛིན་གྲྭ་སྤེལ་ནས་སྐད་གཉིས་ཀྱི་ཡོན་ཏན་འདོན་སྤེལ་བྱས་ཏེ་ ས་ཁུལ་དཔལ་འབྱོར་འཕེལ་རྒྱས། འབྲེལ་ཡོད་གློག་རྩིས་རིག་གནས་སྤེལ་ཞིང་རྣམ་པ་མི་འདྲ་བའི་དཔེ་ཁྲིད་མ་ལག་ འཛུགས་དགོས། འདི་ནི་ལས་སླ་མོ་ཞིག་མ་ཡིན་ཏེ། སྐད་གཉིས་དཔེ་ཁྲིད་ཀྱི་ལག་ལེན་བྱ་བའི་ཁྲོད་དཔེ་ཁྲིད་ཀྱི་བསམ་བློ་དང་ལག་རྩལ། ཐབས་ཤེས་སོགས་གནད་དོན་མང་བོ་ཞིག་ལ་ཁྱབ་ཡོད། སྐད་ གཉིས་དཔེ་ཁྲིད་བྱ་བའི་ལག་ལེན་ཁྲོད་ང་ཚོས་དཔེ་ཁྲིད་ཀྱི་རྣམ་པ་མང་བོ་ཞིག་ ཕྱོགས་བསྡོམ་བྱས་ནས་རིག་པའི་གཞུང་ལུགས་ཕྱོགས་བསྡོམས་བྱེད་དགོས། ད་ལྟ་གྲངས་ཉུང་མི་རིགས་ཀྱི་སློབ་གསོར་སྤེལ་བཞིན་པའི་སློབ་གསོའི་ཐམས་ལམ་ བསྡུས་ན་རྣམ་པ་གཉིས་སུ་སྣང་ཏེ་རྒྱ་ཡིག་གཙོ་བོ་དང་གྲངས་ཉུང་མི་རིགས་ཀྱི་སྐད་ ཡིག་ཕལ་བ་བྱེད་པའི་སྐོར་ཞིག་གྲངས་ཉུང་མི་རིགས་ཀྱི་སྐད་ཡིག་གཙོ་བོ་དང་རྒྱ་ སྐད་ཕལ་བ་བྱེད་པའི་སྐོར་གྱི་རྣམ་པ་གཉིས་སུ་སྣང༌། དཔེར་ན།བོད་ཀྱི་རྨང་གཞིའི་སློབ་གསོའི་དུས་སྐབས་ནས་བཟུང་བོད་གཙོ་རྒྱ་ཕལ་དང་ རྒྱ་གཙོ་བོད་ཕལ་གྱི་སྐད་གཉིས་དཔེ་ཁྲིད་རྣམ་པ་གཉིས་སུ་ཡོད་པ་ལྟ་བུ་རེད། དེའི་ནང་ནས་བོད་གཙོ་རྒྱ་ཕལ་ནི་བོད་སྐད་དེ་དཔེ་ཁྲིད་ཀྱི་ལག་ཆ་གཙོ་བོར་བཟུང་ ནས་རྒྱ་སྐད་ཀྱིས་གཞོགས་འདེགས་ཀྱི་ཚུལ་དུ་ལག་ཆ་ཕལ་བའི་ཚུལ་དུ་སྣང་བ་རེད། རྒྱ་གཙོ་བོད་ཕལ་ནི་རྒྱ་སྐད་དེ་དཔེ་ཁྲིད་ཀྱི་ལག་ཆ་གཙོ་བོར་བཟུང་ནས་བོད་སྐད་ ཀྱིས་གཞོགས་འདེགས་ཀྱི་ཚུལ་དུ་ལག་ཆ་ཕལ་བའི་ཚུལ་དུ་སྣང་བ་རེད། དཔེ་ཁྲིད་ལས་ཁུངས་གང་ཞིག་ཡིན་རུང་དཔེ་ཁྲིད་ཀྱི་ཐབས་ལམ་ལ་འདི་གཉིས་ལས་གཅིག་ བཀོལ་དགོས་པའི་ངེས་པ་གཏན་ནས་མེད། སློབ་གྲྭ་ལ་ལར་དཔེ་ཁྲིད་ཀྱི་རྣམ་པ་འདི་གཉིས་བསྡུར་ཚད་ཀྱི་སྟེང་ནས་གཅིག་འདྲ་ བྱས་ཡོད། གཙོ་ཕལ་གྱི་དབྱེ་བ་དེ་འདྲ་ཆེར་ཕྱེས་མེད། སྐད་གཉིས་ཞེས་པར་ནང་དོན་དང་རྗོད་བྱེད་སྒྲའི་གོ་དོན་ཐད་འགྱུར་ལྡོག་ཇི་འདྲ་བྱུང་ཡང༌། སྐད་གཉིས་ཞེས་པའི་མི་རིགས་ཀྱི་སློབ་གསོའི་ཁྱད་རྟགས་འདི་འགྱུར་མི་རུང༌།

སྐད་གཉིས་སློབ་གསོ་མེད་ན་མི་རིགས་སློབ་གསོའི་ཁྱད་རྟགས་ཀྱང་ཉམས་འགྲོ་ལ་ཐུན་མིན་རང་བཞིན་ཡང་གླེང་རྒྱུ་མེད།

གཉིས་པ། བོད་ཁུལ་དུ་རྩིས་འཁོར་དྲ་རྒྱའི་སློབ་གསོ་སྤེལ་བའི་གནས་བབས་བཤད་པ།
ད་ ལྟའི་བརྡ་འཕྲིན་ཅན་གྱི་རིག་པའི་ཀློང་བརྡོལ་བའི་དུས་རིམ་འདིར། གྲངས་ཉུང་མི་རིགས་ཀྱི་དེང་རབས་སློབ་གསོའི་བསམ་བློ་དང་དཔེ་ཁྲིད་ལག་རྩལ་དེ་ རང་རྒྱལ་གྱི་དར་བའི་ས་ཁུལ་གྱི་སློབ་གསོའི་ཆུ་ཚད་དང་བསྡུར་ན་ཧེ་བག་ཆེན་པོ་ ཡོད་པ་དང་རྒྱུ་སྤུས་སོགས་གང་གིས་ཀྱང་རྗེས་སུ་ལུས་ཡོད། རྗེས་ ལུས་ཀྱི་རྣམ་པ་བསྒྱུར་དགོས་ན། སློབ་གསོའི་སྒྲིག་གཞི་དང་བསམ་བློ། ཐབས་ཤེས་སོགས་རྩ་བ་ནས་བསྒྱུར་རྒྱུ་ནི་སློབ་གསོ་གསར་བ་གོང་དུ་འཕེལ་བའི་ཐབས་ ལམ་འབའ་ཞིག་ཡིན། སློབ་གསོ་བརྡ་འཕྲིན་ཅན་གྱི་ཀློང་བརྡོལ་བ་འདིས་ང་ཚོའི་སློབ་གསོ་བཅོས་བསྒྱུར་ བྱེད་པར་རྨད་དུ་བྱུང་བའི་གོ་སྐབས་ཞིག་དང་དམིགས་ལྟོས་ཞིག་རེད། གོ་སྐབས་འདི་དམ་འཛིན་བགྱིས་ནས་འབད་པ་བགྱིས་ན་ལག་རྩལ་གསར་བ་འདིས་ཕྱོགས་ཡོངས་ ནས་མི་རིགས་སློབ་གསོ་གོང་དུ་སྤེལ་བར་སྣེ་ཁྲིད་མཛད་ཐུབ་ལ་སྒུལ་ཤུགས་ཀྱང་ཆེན་ པོ་ཡོད་ངེས། དངོས་ཡོད་འཚོ་བའི་ཁྲོད་དུ། གྲངས་ཉུང་མི་རིགས་ས་ཁུལ་ནས་སློབ་གསོ་བརྡ་འཕྲིན་ཅན་དུ་བསྒྱུར་བའི་རྨང་གཞི་ཧ་ ཅང་ཞན། རྒྱལ་ནང་གི་དར་བའི་ས་ཁུལདང་བསྡུར་ན་བར་ཐག་ཧ་ཅང་རིང་བོ་ཞིག་དོད་ཡོད། མི་རིགས་ས་ཁུལ་ཕལ་མོ་ཆེར་ས་རྒྱ་ཆེ་ལ་མི་ཉུང་བ། དཔལ་འབྱོར་རྗེས་སུ་ལུས་པ། མི་རིགས་སློབ་གྲྭ་ཆེ་འབྲིང་ཆུང་གསུམ་གྱི་གནས་བབས་དང་ཆགས་སྟངས་ཀྱང་ཐར་འཐོར་ ཡིན་པ།དགེ་རྒན་དཔུང་སྡེའི་ནུས་སྟོབས་དང་སློབ་མའི་གྲངས་ཀའི་སྟེང་ནས་སློབ་ གསོའི་ཚད་ཐིག་ལྟར་འདང་དཀའ་བ། དུས་ཡུན་རིང་པོར་སློབ་གསོ་བཙན་ཤུགས་ཀྱིས་སྤེལ་བ་འམ་རྗེས་ལུས་ཀྱི་རྣམ་པར་ ལྷུངཡོད། རྣམ་པ་འདི་རྩ་བ་ནས་བསྒྱུར་བ་ལ་གོམ་གང་མདུན་སྤོས་ཀྱིས་སློབ་གསོའི་གྲུབ་ཆ་ཇེ་ བཟང་དང་ཇེ་ཆེ་རུ་གཏོང་བ་ལས་གཞན། མི་རིགས་ཀྱི་སློབ་གསོ་དེང་རབས་ཅན་དང། བརྡ་ འཕྲིན་དེང་རབས་ཅན་འཛུགས་རྒྱུའི་གོམ་སྟབས་ཇེ་མགྱོགས་སུ་གཏོང་དགོས། དེང་རབས་རྒྱང་འདྲེན་སློབ་གསོའི་དྲ་རྒྱའི་བཟོ་བཀོད་མངོན་འགྱུར་བྱེད་རྒྱུ་ནི་ གནད་དོན་འདི་ཐག་གཅོད་པའི་ཐབས་ལམ་ཆེས་ལེགས་ཤོས་ཡིན་ལ་མི་རིགས་སློབ་གསོ་རྒྱལ་ ནང་གི་སློབ་གསོའི་ཆུ་ཚད་ཀྱི་རྗེས་ཆོད་པའི་ཁ་ཕྱོགས་དང་ལམ་ཡིན་ལ། རྒྱལ་སྤྱིའི་སློབ་གསོ་སྔོན་ཐོན་ཅན་དང་སྤྲེལ་ཐུབ་པའི་ལམ་ཡང་ཡིན།ཡིན་ན་འང་མི་རིགས་ས་ཁུལ་ནས་རང་བྱུང་ཆ་རྐྱེན་དང་ལོ་རྒྱུས་གནས་བབས། དངོས་ ཡོད་སོགས་རྐྱེན་དུ་མའི་དབང་གིས་དུས་ཡུན་རིང་པོར་སློབ་གསོ་འདི་དམའ་ཕྱོགས་ནས་ སྤེལ་ཞིང༌། སློབ་གསོ་བརྡ་འཕྲིན་ཅན་གྱི་འཛུགས་སྐྲུན་དལ་ཞིང། སློབ་གྲྭ་འབྲིང་ཆུང་གི་བརྡ་འཕྲིན་ཅན་གྱི་ཁྱབ་བརྡལ་ཆུ་ཚད་ཧ་ཅང་དམའ་བ་རེད། དེས་ན་མི་རིགས་ས་ཁུལ་དུ་དེང་རབས་སློབ་གསོ་བརྡ་འཕྲིན་ཅན་མགྱོགས་མྱུར་དུ་ཇི་ ལྟར་གཏོང་བ་ནི་ཚེགས་ཆེ་ཞིང་རྙོག་འཛིང་ཅན་གྱི་བཟོ་བཀོད་ཞིག་རེད།

གསུམ་པ། དུས་རབས་དང་བསྟུན་ནས་རྩིས་འཁོར་དྲ་རྒྱའི་སློབ་གསོ་ལག་བསྟར་བྱེད་དགོས།

ང་ ཚོས་ཡང་དག་པའི་སྒོ་ནས་ནུབ་རྒྱུད་ཐོན་འབྱེད་ཀྱི་སྲིད་ཇུས་ལ་ངེས་ཤེས་སྐྱེ་ དགོས་ཤིང་རྒྱལ་ཁབ་ཀྱིས་ནུབ་རྒྱུད་ས་ཁུལ་གྱི་བརྡ་འཕྲིན་ཅན་ཇེ་ཆེར་སྤེལ་བའི་ གོ་སྐབས་འདིར་གྲངས་ཉུང་མི་རིགས་ཀྱི་སློབ་གསོ་འཕེལ་བར་འཚམ་པའི་དེང་རབས་སློབ་ གསོའི་མ་ལག་ཅིག་ཇུས་འགོད་བྱེད་དགོས། ད་ལྟ་རྒྱལ་ཁབ་ཀྱི་སློབ་གསོ་ཁང་གིས་དངོས་འབེབས་གནང་བཞིན་པའི་“སློབ་གྲྭ་ཀུན་ཁྱབ་”ཞེས་ པའི་བཟོ་བཀོད་ལྟར་ན་སྤྱི་ལོ་༢༠༠༥ལོའི་སྔོན་དུ་ཤར་རྒྱུད་ས་ཁུལ་གྱི་རྫོང་ཡན་ ཆད་དང་ནུབ་རྒྱུད་ས་ཁུལ་འབྲིང་རིམ་ཡན་ཆད་ཀྱི་སློབ་གྲྭ་ཆུང་འབྲིང་ཀུན་གྱིས་ དྲ་བ་ཀློག་ཐུབ་པའི་བརྩོན་ལེན་བྱེད་ཀྱིན་ཡོད། ནུབ་རྒྱུད་ས་ཁུལ་དང་དབུས་རྒྱུད་ས་མཐའི་དབུལ་ཕོངས་ས་ཁུལ་གྱི་རྫོང་དང་རྗོང་ མན་ཆད་ཀྱི་སློབ་འབྲིང་དང་གྲོང་བརྡལ། ཞང་རིམ་པའི་སློབ་ཆུང་སོགས་ཀྱིས་ཀྲུང་གོའི་སློབ་གསོའི་འཁོར་སྐར་ཞེང་ལྡན་དྲ་ རྒྱ་དང་སྦྲེལ་བ། སྤྱི་ལོ་༢༠༡༠ལོའི་སྔོན་དུ། རྒྱལ་ཡོངས་ཀྱི་༩༠%ཡན་ གྱི་སྒེར་བཙུགས་སློབ་གྲྭ་འབྲིང་ཆུང་ཀུན་གྱིས་དྲ་རྒྱ་ཀློག་ཇི་ཐུབ་བྱེད་པ། ཆ་རྐྱེན་མི་འཛོམས་པའི་སློབ་གྲྭ་འབྲིང་ཆུང་ཉུང་ཤས་རེ་ཟུང་ལའང་འཁོར་སྐར་དཔེ་ ཁྲིད་ཀྱི་ཅ་ལག་དང་སློབ་གསོ་དཔེ་ཁྲིད་ཀྱི་ཐོན་ཁུངས་གྲ་སྒྲིག་དང་རམ་འདེགས་ བྱེད་དགོས། བཅུ་ ལྔའི་འཆར་འགོད་བར་དུ། ཀྲུང་དབྱང་ནོར་སྲིད་ཁང་གིས་བཀོད་སྒྲིག་བྱས་པ་ལྟར་སྒོར་མོ་འབུམ་ཚོ་༥༠གཏོང་ ཞིང་དེའི་ཁར་ས་གནས་ཀྱི་དངུལ་སྒོར་བཏང་ནས་དུས་རིམ་གཉིས་པའི་རྒྱལ་ཁབ་དབུལ་ ཕོངས་ས་ཁུལ་དུ་འོས་འགན་སློབ་གསོ་ལག་བསྟེར་བྱ་རྒྱུ་རེད། གཞི་རིམ་གྱི་རྨང་གཞིའི་སློབ་གསོའི་རྒྱུ་སྤུས་ཇེ་མཐོར་གཏོང་ཆེད། རྒྱལ་ཁབ་ཀྱིས་གཞི་རིམ་གྱི་སློབ་འབྲིང་དང་སློབ་ཆུང་ལ་དེང་རབས་རྒྱང་འདྲེན་སློབ་གསོ་ལག་བསྟར་བྱ་རྒྱུའི་ཐག་བཅད་ཡོད། དཔེ་ ཁྲིད་འོད་སྡེར་གཏོང་སའི་གནས་དང༌།འཁོར་སྐར་དཔེ་ཁྲིད་སྡུད་སའི་གནས། རྩིས་འཁོར་སློབ་ཁང་བཅས་རྣམ་པ་གསུམ་བརྒྱུད་ནས་རྨད་དུ་བྱུང་བའི་སློབ་གསོའི་ ཐོན་ཁུངས་དང་སློབ་ཁྲིད་ཐབས་ཤེས་གཞི་རིམ་གྱི་སློབ་གྲྭ་ཆུང་འབྲིང་ལ་སྐྱོལ་ རྒྱུ་རེད། དམིགས་ ཡུལ་གྱི་ཇུས་འགོད་དང་མངོན་འགྱུར་ཕྱོགས་ལ་གནད་དོན་གང་མང་ཞིག་ཡོད་རུང༌། དཔེ་ཁྲིད་ཐབས་རྩལ་ལེགས་བསྒྱུར་བྱེད་པར་སྔོན་མེད་ཀྱི་དགེ་མཚན་ལྡན། སྐད་ གཉིས་རྒྱང་འདྲེན་སློབ་གསོའི་དྲ་རྒྱའི་མ་ལག་མངོན་འགྱུར་བྱེད་པར་གནམ་སའི་དྲ་ རྒྱ་དང༌།འོད་སྡེར་གཏོང་བ་བཅས་གཞི་གཅིག་བྱས་ནས་སློབ་གསོའི་དྲ་རྒྱའི་མ་ལག་ གྲུབ་སྟེ། རྒྱལ་ ཡོངས་ཀྱི་ས་གནས་སོ་སོའི་སྤུས་བཟང་སློབ་གསོའི་དཔེ་ཁྲིད་ཐོན་ཁུངས་དག་སྒྲིག་ དང་ཁྱབ་སྤེལ་བགྱིས་ནས་སྐད་གཉིས་སློབ་གསོའི་ཐུན་མིན་རང་བཞིན་གོང་དུ་སྤེལ་ཏེ་ མི་རིགས་ས་ཁུལ་གྱི་སློབ་གྲྭ་ཆུང་འབྲིང་གི་སློབ་གསོའི་ཐབས་རྩལ་ལ་སྔོན་མེད་ ཀྱི་མཆོང་སྐྱོད་ཅིག་བྱེད་དགོས་ལ་ཆེས་གལ་ཆེ་བའི་མངོན་འགྱུར་གྱི་དོན་སྙིང་ ཞིག་ཀྱང་ཡོད་དགོས། མ་ འོངས་བའི་མི་རིགས་སློབ་གསོ་ལ་སྐུལ་འདེད་ཀྱི་སྟོབས་ཤུགས་ཞིག་ཀྱང་ཡིན། ཡང་གཅིག་བཤད་ན་འདི་ནི་དུས་རབས་ཀྱི་འཕེལ་འགྲོས་དང་བསྟུན་པའི་མི་རིགས་ཀྱི་ སློབ་གསོའི་གསར་བརྗེ་ཆེན་པོ་ཞིག་ཀྱང་རེད། ནང་སྒོས་སུ། སློབ་གསོའི་ཐབས་རྩལ་དང་སློབ་གསོའི་ཐབས་ལམ་གྱི་རྩ་བའི་འགྱུར་ལྡོག་ཅིག་ཀྱང་ རེད། རྩིས་ འཁོར་ལག་རྩལ་གྱི་སྲོག་ཤིང་བྱས་པའི་སྐད་གཉིས་རྒྱང་འདྲེན་སློབ་གསོའི་དྲ་ རྒྱའི་མ་ལག་བཙུགས་པར་མི་རིགས་སློབ་གསོའི་དཔེ་ཁྲིད་རྣམ་པ་དང༌། དཔེ་ཁྲིད་ནང་དོན། དཔེ་ཁྲིད་ཐབས་ལམ། དཔེ་ ཁྲིད་ཐབས་ཇུས་བཅས་ཕྱོགས་ལ་སྐུལ་འདེད་ ཀྱི་ཤུགས་རྐྱེན་ཞིག་ཡིན་པར་མ་ཟད་མི་རིགས་ཀྱི་སློབ་གསོ་ལ་གོང་འཕེལ་དུ་འགྲོ་ བའི་གོ་སྐབས་ལེགས་པོ་ཞིག་ཀྱང་རེད།

བཞི་བ། རྒྱལ་ཁབ་ཀྱིས་རྩིས་འཁོར་དྲ་རྒྱའི་སློབ་གསོ་སྤེལ་བར་འཆར་གཞི་དང་ལག་བསྟར་བྱས་ཚུལ།
༢༠༠༣ལོའི་《རྒྱལ་སྲིད་སྤྱི་ཁྱབ་ཁང་གིས་གོམ་གོང་མདུན་སྤོས་ཀྱིས་གཞི་རིམ་སློབ་གསོའི་བྱ་བར་ཤུགས་སྣོན་བགྱིད་པའི་ཐག་གཅོད》ཅེས་ པར་གཞི་རིམ་སློབ་གྲྭ་ཆུང་འབྲིང་གི་དེང་རབས་རྒྱང་འདྲེན་སློབ་གསོའི་བཟོ་བཀོད་ ལག་བསྟར་བྱེད་རྒྱུ་དང་ཞིང་གྲོང་གི་སྤུས་བཟང་སློབ་གསོའི་ཐོན་ཁུངས་མཉམ་རོལ་ བགྱིད་པ་ལ་སྐུལ་འདེད་གཏོང་བ། ཞིང་གྲོང་གི་སློབ་གསོའི་རྒྱུ་སྤུས་དང་འབྲས་བུ་ཇེ་བཟང་དུ་གཏོང་བ་ཞེས་བསྟན་ ཡོད། ཐོག་ མའི་འཆར་གཞི་ལྟར་ན་ལོ་ལྔ་ཙམ་ཡས་མས་ནང་གཞི་རིམ་སློབ་འབྲིང་ཕལ་ཆེར་གློག་རྩིས་ སློབ་ཁང་ཡོད་དུ་འཇུག་ལ་ཞིང་གྲོང་གི་སློབ་ཆུང་ལ་ཕལ་ཆེར་སྲུང་སྐར་དཔེ་ཁྲིད་ སྡུད་མཐོང་གི་གནས་གཞི་དང༌། ཞིང་གྲོང་གི་དཔེ་ཁྲིད་གནས་གཞིར་དཔེ་ཁྲིད་འོད་སྡེར་དང་གཟུགས་གཏོང་འཕྲུལ་ཆས་ ཀྱི་འབྲེལ་ཡོད་ཅ་ལག དཔེ་ཁྲིད་འོད་སྡེར་ཆ་ཚང་ཞིག་ཡོད་དུ་འཇུག་པའི་འཆར་གཞི་ཡོད། རང་ རྒྱལ་དབུས་རྒྱུད་དང་ནུབ་རྒྱུད་ཀྱི་ཞིང་གྲོང་ས་ཁུལ་དུ་ཞིང་གྲོང་འབྲིང་ཆུང་ གི་སློབ་གྲྭར་དེང་རབས་རྒྱང་འདྲེན་སློབ་གསོའི་བཟོ་བཀོད་ལག་བསྟར་བྱས་ནས། བརྡ་ འཕྲིན་ཅན་དུ་འགྱུར་བའི་འཕེལ་རིམ་ལ་སྟོབས་ཤུགས་ཡོད་རྒུས་སྐུལ་འདེད་གཏོང་ དགོས་ལ་ཞིང་གྲོང་གི་སློབ་གསོའི་འཕེལ་རིམ་ལ་སྐུལ་འདེད་བགྱིས་ནས་གཞི་རིམ་ས་ ཁུལ་གྱི་སློབ་གསོའི་རྒྱུ་སྤུས་ཇེ་མཐོར་བཏང་ནས། ས་ ཁུལ་བར་གྱི་སློབ་གསོའི་བཟང་ངན་དང་ཁྱད་པར་ཇེ་ཆུང་དུ་གཏོང་དགོས།༢༠༠༢ལོའི་ཟླ་༩ པར།རྒྱལ་ཁབ་སློབ་གསོ་ཁང་གིས་ནུབ་རྒྱུད་ཀྱི་ནང་སོག་དང་ཞཱན་ཅང༌།ཀཱན་སཱའུ།ཉིན་ ཞ། མཚོ་སྔོན། ཡཱན་ནན། བཀཱས་ཀྲུའུ།བཀཱང་ཞི་སོགས་ཞིང་ཆེན་དང་ས་ཁུལ་བརྒྱད་ཙམ་གྱི་སློབ་ཆུང་༥༠༠༠ལ་གློག་པྲ་དང་DVDའཕྲུལ་ ཆས།རྒྱ་ཡིག་དང་དབྱིན་ཡིག་གི་འོད་སྡེར་གནང༌། སློབ་འབྲིང་༥༠༠༠ལ་རྒྱ་ཡིག་དང་དབྱིན་ཡིག་ལ་འབྲེལ་བའི་གློག་རྩིས་འོད་སྡེར་ གནང༌།ཞང་ཀང་གི་ཚོང་དཔོན་ལས་ཅ་ཁྲིན་གྱི་མ་དངུལ་ཐེབས་ཚོགས་ཀྱིས་སློབ་གྲྭ་ འབྲིང་ཆུང་ཁྲི་ཙམ་ལ་རྒྱང་འདྲེན་སློབ་གསོའི་སྡུད་སྒྲིག་གནས་གཞི་བཙུགས། ནུབ་རྒྱུད་ཀྱི་གཞི་རིམ་ལ་རྩིས་འཁོར་སློབ་ཁང་༨༨ཚུགས་པ་རེད། ཀན་སུའུ་ཞིང་ཆེན་གྱི་ཀན་ལྷོ་བོད་རིགས་རང་སྐྱོང་རྫོང་ཁོ་ནར་མཚོན་ན། ༢༠༠༢ལོ་ནས་༢༠༠༣ལོའི་ལོ་མཇུག་བར། སློབ་འབྲིང་གཅིག་ལ་སློབ་གླིང་དྲ་བ་ཚུགས། སློབ་གྲྭ༨ཙམ་ལ་རྩིས་འཁོར་སློབ་ཁང་དང་སྲུང་སྐར་སྡུད་སྒྲིག་གི་གནས་གཞི་ཚུགས། རྒྱལ་ ཁབ་ཀྱི་སློབ་གསོ་ཁང་དང་ལས་ཅ་ཁྲིན་གྱི་མ་དངུལ་ཐེབས་ཚོགས་ཀྱིས་ནུབ་རྒྱུད་གྱི་ སློབ་གྲྭ་འབྲིང་ཆུང་གི་རྒྱང་འདྲེན་སློབ་གསོ་ཐེངས་གཉིས་པའི་བགྱི་བ་མཛད་པར་བ་ ཙེ་རྫོང་ཚོད་ལྟའི་གནས་གཞི་བྱས། སློབ་ གྲྭ་འབྲིང་ཆུང་༢༠ལྷག་ལ་རྒྱང་འདྲེན་སློབ་གསོའི་ཅ་ལག་བསྒྲིགས། ཡིག་ཚགས་སོ་སོ་ལས་འདི་ནི་ལེགས་ལམ་དུ་འགྲོ་བ་ཞིག་རེད་ཅེས་བསྟན་མོད།།སློབ་ གསོའི་བརྡ་འཕྲིན་འཛུགས་པའི་ཀློང་བརྡོལ་བའི་དུས་མཚུངས་སུ་གནད་དོན་ཀྱང་མི་ ཉུང་བ་ཞིག་བྱུང་དང་འབྱུང་མུས་ཡོད།དཔེར་ན། སྐད་ གཉིས་སྐོར་ལ་འཁོར་སྐར་དཔེ་ཁྲིད་ཀྱི་མཉེན་ཆས་མེད་ལ་བརྡ་འཕྲིན་ལག་རྩལ་གྱི་ བསླབ་དེབ་དཔེ་སྐྲུན་ཀྱང་དཀོན། སྐད་གཉིས་དཔེ་ཁྲིད་དང་བརྡ་འཕྲིན་ཅན་དུ་འགྱུར་བའི་བར་ངེས་ཤེས་སྐྱེ་དཀའ་བའི་ ཚད་དུ་ཐོན་ཡོད། གལ་ཏེ་ཡུན་རིང་འགོར་བའི་རྗེས་ནས་སྐད་གཉིས་རྩིས་འཁོར་དྲ་བའི་དཔེ་ཁྲིད་ཀྱི་མ་ལག་ཚུགས་མ་ཐུབ་ན། མི་ རིགས་ཀྱི་སློབ་གསོ་ལ་ནུས་པ་ཆེན་པོ་ཐོན་མི་ཐུབ་ཁར་མི་རིགས་ཀྱི་སློབ་གསོ་ལ་ རྙོག་འཛིང་ཅན་དུ་བསྒྱུར་ནས་མི་རིགས་སོ་སོའི་སློབ་གསོ་བརྡ་འཕྲིན་ཅན་དུ་ བསྒྱུར་མི་ཐུབ་པར་ཕམ་ཁ་ཉོ་བར་སེམས། རྩིས་ འཁོར་དྲ་རྒྱའི་ལག་རྩལ་དང་རྩིས་འཁོར་ལག་རྩལ་གྱིས་སྲོག་ཤིང་བྱས་པའི་དེང་རབས་ སློབ་གསོའི་ལག་རྩལ་ཇི་ལྟར་འགྱུར་ཀྱང་སྐད་གཉིས་སློབ་གསོའི་ངོ་བོ་འགྱུར་མི་ ཐུབ།ད་ལྟའི་དུས་རིམ་འདིར་བརྡ་འཕྲིན་ཅན་གྱི་འཕེལ་རིམ་དེའི་འགན་ཁུར་གཙོ་བོ་ དཔེ་ཁྲིད་ལག་རྩལ་དང་ཐབས་ལམ་ལེགས་བཅོས་བྱེད་རྒྱུ་དེ་ཡིན།གལ་ཏེ་གྲངས་ཉུང་མི་ རིགས་ཀྱི་སློབ་གསོ་བརྡ་འཕྲིན་ཅན་དུ་འགྱུར་བའི་འཕེལ་རིམ་བདེ་བླག་ངང་སྤེལ་ ཐུབ་ན། མི་ འགྱངས་པར་ང་ཚོ་ལའང་སྐད་གཉིས་རྩིས་འཁོར་གྱི་དཔེ་ཁྲིད་སྟེགས་བུ་ཞིག་ཡོད་ཐུབ་ ལ། སྐད་གཉིས་དཔེ་ཁྲིད་ཀྱི་མཉེན་ཆས་སོགས་དེང་རབས་ཅན་གྱི་དཔེ་ཁྲིད་ཐོན་ཁུངས་དང་ ཅ་ལག་ཡོད་ཐུབ། འོན་ཀྱང་གནས་སྐབས་གནད་དོན་ཀྱང་མི་ཉུང་བ་ཞིག་ཡོད། མཉེན་ཆས་དང་སྲ་ཆས་ཀྱི་ཐོན་ཁུངས་ཧ་ཅང་དཀོན་པར་མ་ཟད། སྐད་གཉིས་དང་བརྡ་འཕྲིན་ཅན་གྱི་རིག་གནས་བར་ལ་ངེས་ཤེས་ཀྱང་སྐྱེ་བ་དཀོན། གཞུང་ ལུགས་སྟེང་ནས་མཛུབ་སྟོན་བྱེད་རྒྱུ་དེ་བས་དཀོན། སྐད་གཉིས་གློག་རྩིས་དྲ་རྒྱའི་དཔེ་ཁྲིད་ཀྱི་མ་ལག་གཏན་ནས་འཛུགས་མི་ཐུབ་པ་མ་ རེད། གཙོ་བོ་མ་ལག་འཐུས་ཚང་ཡིན་པའི་སྐད་གཉིས་སྐོར་གྱི་དཔེ་ཁྲིད་མཉེན་ཆས་དང་རྩིས་ འཁོར་དྲ་རྒྱའི་ཆ་རྐྱེན་དེ་འདྲ་ཁྱབ་བརྡལ་དུ་མ་སོང་བས་རེད། གློག་རྩིས་རིག་གནས་ཀྱི་སློབ་གསོ་སྤེལ་ནས་ཁྱབ་བརྡལ་དུ་སོང་ན། གློག་རྩིས་བཀོལ་སྤྱོད་ཀྱི་ལག་རྩལ་ཐད་ཇེ་བཟང་ནས་ཇེ་བཟང་དུ་ཡོང་ངེས་རེད། དཔེར་ན། ༢༠༠༤ ལོའི་་ཟླ་༨པའི་ཚེས་༡༤ཉིན་རྒྱལ་ཁབ་ཀྱི་བརྡ་འཕྲིན་ཐོན་ལས་ཁང་གིས་བོད་ཡིག་ མཉེན་ཆས་ཐོན་འབྱེད་བྱེད་པའི་ཇུས་འགོད་ཚུགས། འཆར་གཞི་ལྟར་ན་ལོ་གཉིས་ཡས་མས་ནང་བོད་ཡིག་བརྡ་འཕྲིན་ཅན་གྱི་སྙོམས་སྟེགས་ སོགས་བོད་ཡིག་མཉེན་ཆས་ཕྱོགས་ཀྱི་ངེས་མཁོའི་གནད་དོན་ཐག་གཅོད་བྱེད་པ་དང་དུས་ མཚུངས་སུ་ཡི་གེ་སྡེབ་སྒྲིག་གི་མ་ལག་དང་དེའི་ཤོང་ཚད་སོགས་ཐག་གཅོད་བྱེད་རྒྱུ་ རེད། སྙོམས་ སྟེགས་བརྒལ་བའི་ཡི་གེ་སྡེབ་སྒྲིག་གི་མཉེན་ཆས་ཀྱི་གནད་དོན་དང་དྲ་རྒྱའི་བརྡ་ འཕྲིན་བརྗེ་རེས་དང་དྲ་གནས་ཐོན་འབྱེད་ཀྱི་ཚད་གཞི་སོགས་ཚད་མཐོ་བའི་སྒོ་ནས་ཐག་ གཅོད་བྱེད་རྒྱུ་རེད། དྲ་རྒྱ་འཛུགས་པའི་དངོས་བརྒྱུད་ཀྱི་མ་དངུལ་ལས་གཞན་ལག་རྩལ་ཐད་ནས་གླེང་ན།བྱང་ ཆ་ལྡན་པའི་དྲ་རྒྱ་འཛུགས་སྐྲུན་གྱི་ལག་རྩལ་དང་མཉེན་ཆས་ལག་རྩལ། མི་ རིགས་ཀྱི་ཡི་གེའི་བརྡ་འཕྲིན་སྡེབ་སྒྲིག་གི་ལག་རྩལ་མཉམ་འབྲེལ་བྱས་ནས་དྲ་རྒྱ་ དང་མཉེན་ཆས་ཐོན་འབྱེད་བྱེད་པར་ས་གནས་ཅན་དང་ཐུན་མིན་ཅན་དུ་མངོན་འབྱུར་བྱེད་ དགོས། དེ་ལྟར་བྱས་ཚེ་སྐད་གཉིས་སློབ་གསོ་དང་གློག་རྩིས་དྲ་རྒྱའི་ཟུང་འབྲེལ་གྱིས་ སྐད་གཉིས་དཔེ་ཁྲིད་ཀྱི་ངོ་བོ་དང་བསྟུན་ཐུབ་ངེས་རེད། རྩིས་འཁོར་དྲ་རྒྱ་འདིས་གྲངས་ཉུང་མི་རིགས་ཀྱི་སྐད་གཉིས་དཔེ་ཁྲིད་ལ་འཕེལ་ རྒྱས་ཀྱི་གཤོག་ཟུང་ཞིག་མཁོ་འདོན་བྱས་ཡོད། དྲ་ རྒྱའི་ཁྲོད་དུ་སྤུས་ལེགས་དཔེ་ཁྲིད་ཀྱི་ཐོན་ཁུངས་བགྲང་གིས་མི་ཟིན་ལ་དགེ་རྒན་ ཚོ་ལའང་ཤེས་རྒྱ་ཇེ་ཆེར་གཏོང་ཐུབ་ལ་ཆེད་ལས་ལག་རྩལ་ཡང་ཇེ་བཟང་དུ་གཏོང་ཐུབ། སྐད་གཉིས་དང་རྩིས་འཁོར་དྲ་རྒྱ་ཟུང་སྦྲགས་བྱས་ན་གྲངས་ཉུང་མི་རིགས་ཀྱི་སློབ་ གསོ་གོང་དུ་སྤེལ་བར་གྲོགས་སུ་འཁྱེར་ལ་དབུ་ཡང་འདྲེན་ཐུབ།དུས་ནམ་ཞིག་ཡིན་ རུང༌། སྐད་གཉིས་ནི་མི་རིགས་སློབ་གསོའི་རྩ་བའི་ཁྱད་ཆོས་ཞིག་ཡིན། ང་ཚོའི་དམིགས་ཡུལ་ཀྱང་མི་རིགས་སློབ་གསོ་གོང་དུ་སྤེལ་རྒྱུ་དེ་ཡིན།སྐད་གཉིས་ རྩིས་འཁོར་དྲ་རྒྱ་འཛུགས་རྒྱུ་ནི་དམིགས་ཡུལ་དེ་མངོན་འགྱུར་བྱེད་པའི་ཐབས་ ལེགས་ཤོས་ལས་མ་འདས་སོ། །

-- <<ཁྱུང་ཚའི་ཟིན་བྲིས་>>ལས་ཕབ་བཤུ་བྱས།

སྲིང་མོ་ཕྱེད་ཀ

ཞོགས་པ་ཞིག་ལ་བློ་བཟང་དགའ་སྤྲོ་དང་བཅས་ཁྱིམ་དུ་རྒྱུགས་ཡོང་ནས་དབུགས་ཧལ་བཞིན་ཤོད་དོན། “ཨ་ཕ། ཨ་མ། ང་ལ་གཏམ་བཟང་ཞིག་བཤད་རྒྱུ་ཡོད། ང་མི་འགྱངས་པར་ང་ཚོའི་གྲོང་བའི་ནང་གི་ཆེས་མཛེས་པའི་བུ་མོ་ཞིག་ལ་གཉེན་སྒྲིག་བྱེད་རྒྱུ་བྱས་ཡོད། ཁོ་མོ་འདུག་ས་ང་ཚོ་དང་ཐག་མི་རིང་ལ་ཁོ་མོའི་མིང་ལ་མེ་ཏོག་ཟེར།”
ཨ་ཕས་གཏམ་དེ་ཐོས་རྗེས་བློ་བཟང་ཉལ་ཁང་ནང་དུ་ཁྲིད་དེ་བཤད་རྒྱུར། “བློ་བཟང་། ངས་ཁྱོད་ལ་བཤད་རྒྱུ་ཞིག་ཡོད། ཁྱེད་ཀྱི་ཨ་མར་ལྟོས་དང། ངེད་གཉིས་བཟའ་ཚང་བྱས་ཏེ་ལོ་ངོ་༣༠ཙམ་འགྲོ་བཞིན་ཡོད་མོད་ཁོ་མོ་ད་དུང་ཡང་ག་འདྲ་མཛེས། འོན་ཀྱང་། ཁོ་མོར་ཉལ་སའི་ནང་ནས་རྩལ་དེ་འདྲ་མེད་རྐྱེན་ངས་ཕྱི་ལོགས་ནས་ཨ་རོགས་མང་བོ་བཙལ་བ་ཡིན། བློ་བཟང་། ཁྱེད་ཁོང་ཁྲོ་མ་ལངས། མེ་ཏོག་ནི་ཁྱེད་ཀྱི་སྲིང་མོ་ཕྱེད་ཀ་རེད།”
དོན་འདིས་བློ་བཟང་གི་སེམས་ཧ་ཅང་སྡུག་ཏུ་བཅུག་མོད་གང་ལྟར་རང་ཉིད་ཀྱི་ཕྱེད་སྲིང་མོ་ཞིག་ལ་འགྲོགས་སྲོལ་གང་ན་ཡོད། དེ་ལྟར་ཟླ་བ་བརྒྱད་ཙམ་སོང་རྗེས་བློ་བཟང་ཡང་བསྐྱར་བུ་མོ་གཞན་པ་ཞིག་དང་འགྲིག ལོ་གཅིག་གི་རྗེས་སུ་བློ་བཟང་ཁྱིམ་དུ་ལོག་སྟེ་སྤྲོ་སྣང་དང་བཅས་བཤད་རྒྱུར། “རིག་མོས་ང་དང་བསྒྲིག་རྒྱུ་ཡིན་ཟེར། ངེད་གཉིས་ད་ལོའི་ལོ་གསར་སྐབས་གཉེན་སྒྲིག་བྱེད་རྒྱུ་ཡིན།”
དོན་འདི་གོ་རྗེས་ཨ་ཕས་ཡང་བསྐྱར་བློ་བཟང་ཟུར་ཞིག་ཏུ་ཁྲིད་དེ་གཏམ་ངན་བཤད་དོན། “རིག་མོ་ཡང་ཁྱེད་ཀྱི་སྲིང་མོ་ཕྱེད་ཀ་རེད། བློ་བཟང་། ང་དངོས་གནས་ང་ནོངས། འོན་ཀྱང་། འདི་དོན་དངོས་རེད།”
དོན་འདི་ཐོས་རྗེས་བློ་བཟང་གི་སེམས་ནས་ཧ་ཅང་མ་དགའ་བར་ཐད་ཀར་ཨ་མའི་རྩར་བརྒྱུགས་ཏེ་དོན་འདི་ཨ་མ་ལ་བཤད། “ཨ་མ། ཨ་ཕས་འདི་འདྲའི་ཁྲེལ་མེད་ཀྱི་བྱ་བ་ཁོ་ན་བྱས་པའི་རྐྱེན་གྱིས་ད་ང་ལ་གཉེན་སྒྲིག་བྱེད་སའང་ལག་ལ་ཡོང་རྒྱུ་མ་རེད། ང་བུ་མོ་ཞིག་ལ་ཐུག་ཐེངས་རེ་རེར་ཨ་ཕས་དེ་ངའི་སྲིང་མོ་ཕྱེད་ཀ་རེད་ཟེར། ད་ཅི་བྱེད། ད་ང་འདི་ལྟར་ཚེ་གང་བོར་ཕོ་རྐྱང་དུ་འདུག་དགོས་སམ།”
སྐབས་འདིར་བློ་བཟང་ལ་མཚོན་ན་ཡ་མཚར་དགོས་པའི་དོན་དག་ཅིག་ནི། ཨ་མ་ཁོང་ཁྲོ་ལངས་རྒྱུ་ཕར་ཞོག དེ་ལས་ལྡོག་སྟེ་འཛུམ་མདངས་དང་བཅས་བཤད་རྒྱུར། “ཧེ་ཧེ། གཅེས་ཕྲུག ཁྱེད་ཀྱིས་ཨ་ཕས་ཅི་བཤད་ལ་ཉན་དགོས་དོན་ཅང་མེད་། དོན་ངོ་མར་ཁོ་ཁྱེད་ཀྱི་ཨ་ཕ་ངོ་མ་བོ་མ་རེད།”

-- ཐེ་བྲག་པས་བཅོས་སྒྲིག་བྱས།

པཱ་ཀི་སི་ཐན་དུ་བོད་ཡིག་གི་འབྲི་རྒྱུན་སླར་གསོ།

མི་ནག་ཚང་ལུང་རིགས་རྒྱལ།

ང་ཚོས་བོད་ཀྱི་རྩ་དོན་གླེང་གིན་ཡོད་ལ། ང་ཚོས་ཕྱིའི་རིག་གཞུང་ནང་འདྲེན་གྱི་སྐོར་དང་ནང་གི་རིག་གཞུང་སྲུང་སྐྱོབ་ཀྱི་སྐོར་བཅས་གླེང་གིན་ཡོད། དེ་ལྟར་ཀྱང་ང་ཚོའི་ཕ་སྐད་དང་་མ་སྐད་ངོ་མ་དེ་ང་ཚོའི་ཕྱི་རབས་པ་ཚོའི་ཁ་ལྕེ་བར་ནས་བརླག་གིན་ཡོད་སྟབས། བོད་དང་བལ་ཡུལ། འབྲུག་དང་འབྲས་ལྗོངས། ལ་དྭགས་ནས་ལྷོ་མོན་རོང་སོགས་གང་དུ་བལྟས་ནའང་བོད་ཡིག་གི་ཚེ་སྲོག་འདིའི་མཐའ་མའི་འཕག་འཚག་ནི་པ་ཀི་སི་ཐན་དུ་རྒྱག་བཞིན་འདུག ལོ་གཉིས་སྔོན་གྱི་སོས་ཀའི་ཞོགས་པ་ཞིག་ལ་རྒྱ་གར་དུས་བབ་གསར་ཤོག་སྟེང་དུ་མིང་ལ་ཁུ་ལོ་ཌི་ཞུ་བ་ཞིག་གིས་''བོད་ཡིག་གི་ལའབྲི་རྒྱུན་པ་ཀི་སི་ཐན་དུ་བསྐྱར་ལོག་བརྒྱབས་པ་''ཞེས་ འགོ་བརྗོད་དུ་བཀོད་དེ་པ་ཀི་སི་ཐན་གྱི་མངའ་འོག་ན་ཡོད་པའི་སྦལ་ཏི་ཡུལ་ནས་བོད་ ཡིག་སླར་གསོ་བྱེད་བཞིན་ཡོད་པའི་ལས་འགུལ་སྐོར་བྲིས་འདུག་ལ། སྒྲུང་དེ་འགོ་འཛིན་སྐབས། ''འཛམ་གླིང་གི་ཡུལ་ལུང་གང་དུའང་སྐད་ཡིག་སླར་གསོའི་ལས་དོན་ནི་ཆེས་བློ་དོགས་ཀྱི་བྱ་བ་ཞིག་ཆགས་བཞིན་པའི་སྐབས་འདིར། པ་ཀི་སི་ཐན་གྱི་མངའ་འོག་ན་ཡོད་པའི་སྦལ་ཏི་ཡུལ་དུ་ག་ལེར་བོད་ཡིག་གི་འབྲི་རྒྱུན་སླར་གསོ་བྱེད་འགོ་ཚུགས། དེ་ ཡང་ས་ཁུལ་དེའི་ཡུལ་སྐད་ཆགས་བཞིན་པའི་ཨུར་ཌོའི་འཁྱུག་བྲིས་ལ་ཁ་གཏད་གཅོག་པ་ ཙམ་མ་ཡིན་པར་དོགས་པ་དང་རྣམ་རྟོག་ཆེ་བའི་ཁ་ཆེའི་མུལ་ལ་ཚོར་ཡང་ཁ་གཏད་གཅོག་གི་ ཡོད་''ཅེས་བཀོད་ཡོད། སྐར་རྡོ་གྲོང་ཁྱེར་དབུས་བྱས་པའི་སྦལ་ཏི་ཡུལ་ལམ་དེང་སྐབས་ཕྱི་ལུགས་ཀྱི་ཡིག་ཆ་ཕལ་ཆེ་བའི་ནང་སྦལ་ཏི་སི་ཐན་(Baltistan)ཞེས་འབོད་པ་ནི་པ་ཀི་སི་ཐན་གྱི་བྱང་ཤར་མཐའ་མཚམས་སུ་ཆགས་ཡོད་ལ། རོབ་རྩིས་བྱས་ན་ས་ཁྱོན་ལ་ཀེ་ལོ་མི་ཊར་གྲུ་བཞི་མ་༡༠༡༡༨དང༌། མི་འབོར་འབུམ་བཞི་༤༠༠༠༠༠ལྷག་ཡོད་པ་རེད། ཡུལ་འདིའི་མི་རྣམས་ཀྱིས་བོད་སྐད་དམ་སྟོད་སྐད་ཅེས་འབོད་བཞིན་པའི་བོད་ཀྱི་ནུབ་ཕྱོགས་ས་ཁུལ་གྱི་ཡུལ་སྐད་བཤད་ཀྱི་ཡོད་ལ། བོད་ཀྱི་ལོ་རྒྱུས་ལྟར་ན། སྦལ་ཏི་ཡུལ་ནི་བོད་ཡུལ་སྟོད་སྨད་བར་གསུམ་དུ་ཕྱེ་བའི་སྟོད་ཕྱོགས་ཀྱི་སྤུ་ཧྲེང་དང་མང་ཡུལ། ཟངས་དཀར་གསུམ་སྐོར་གཅིག ཞང་ཞུང་དང༌། ཁྲི་ཏེ་སྟོད་སྨད་སྐོར་གཅིག འཆིམ་མལ་ལི་དང༌། བྲུ་ཤ་དང༌། སྦལ་ཏི་གསུམ་སྐོར་གཅིག་བཅས་བཅད་པའི་ཁྲོད་ཀྱི་སྦལ་ཏི་ཞེས་པ་དེ་ཡིན་ཞིང༌། དུས་རབས་བཅུ་དྲུག་པ་ནས་བཟུང་ཏ་ཟིག་གམ་ཁ་ཆེའི་དབང་བསྒྱུར་འོག་ཤོར་ཏེ་ད་བར་མི་ལོ་༥༠༠ཕྱིན་ལ། འདིའི་རིང་ཁོང་ཚོའི་ཆོས་ལུགས་འགྱུར་ཡོད་ནའང་བོད་ཀྱི་སྐད་ཡིག་དང་གོམས་སྲོལ་ནི་རྩ་ཡལ་དུ་མ་སོང་ཙམ་དུ་གནས་ཡོད་པ་དང༌། དེང་ སྐབས་སྦལ་ཏིའི་མི་རྣམས་ཀྱིས་བོད་ཡིག་དང་བོད་སྐད་སོགས་སྦྱངས་ཏེ་སོ་སོའི་ཕ་ མེས་ཀྱི་ཆོས་རིག་དང་ཡུལ་སྲོལ་གོམས་གཤིས་བཅས་མི་ཉམས་རྒྱུན་འཛིན་དང་ཉམས་པ་ སླར་གསོ་བྱེད་རྒྱུའི་སྐོར་ལ་ལས་འགུལ་སྤེལ་བཞིན་ཡོད་པ་རེད། སྦལ་ ཏིའི་རིག་གཞུང་ཐེབས་རྩ་ཁང་དུ་ཕྱག་ལས་གནང་ཞིང་གེ་སེར་རྒྱལ་བོའི་སྒྲུང་སྦལ་ ཏིའི་ཡུལ་སྐད་དུ་ཞིབ་འབྲི་གནང་མཁན་སྐུ་ཞབས་སིད་ཨ་བྷས་ཁ་ཛི་མཱི་ལགས་ཀྱིས་''ང་ཚོ་ནི་ཡུལ་འདིར་དུས་རབས་དྲུག་པ་ནས་བཟུང་བོད་ཀྱི་སྐད་ཡིག་གི་འབྲི་རྒྱུན་ཡོད་པའི་མི་རིགས་ཁོ་ན་དེ་ཡིན་''ཅེས་དང་། ''ཡིན་ནའང་ཀླད་པ་གུ་དོག་པོའི་མུལ་ལ་བ་རྣམས་ཀྱིས་བོད་ཡིག་བཀོོལ་སྤྱོད་མཚམས་འཇོག་དགོས་ཟེར་ལ། དེར་བརྟེན་ལོ་ངོ་འདི་དག་གི་རིང་སྦལ་ཏིའི་ཡུལ་སྐད་དང

ཡི་གེའི་འབྲི་ཀློག་གི་འཕེལ་རིམ་ལ་གོད་ཆག་ཆེན་པོ་བྱུང་ཡོད་པ་རེད་''ཅེས་དང་། ཁ་ཛ་མི་ལགས་ཀྱིས། ''ཏ་ཟིག་གི་གསལ་བྱེད་ནི་ང་ཚོའི་སྐད་ལ་ཕན་པོ་མི་འདུག་སྟེ། སྦལ་ཏིའི་ཡིག་འབྲུ་མང་བོ་ཞིག་ཏ་ཟིག་གི་གསལ་བྱེད་ནང་འབྲི་ཐུབ་ཀྱིན་མི་འདུག དེའི་རྐྱེན་གྱིས་ང་ཚོའི་སྐད་ཡིག་ད་ཆར་སེམས་ཅན་བདག་མེད་དང་འདྲ་ཞིང་། ང་ཚོའི་སྙན་ངག་བཅད་མ་དང་ལྷུག་མ་ནི་ཟུངས་ཟད་ནས་སྐམ་རུལ་དུ་འགྱུར་བཞིན་ཡོད་''ཅེས་འགྲེལ་བརྗོད་བྱས་ཡོད། པ་ ཀི་སི་ཐན་གྱི་ཨ་གྷ་ཁན་རིག་གཞུང་ཞབས་ཞུ་ཁང་དང་ལོན་ཌོན་བོད་ཀྱི་ཐེབས་རྩ་ཁང་གི་ མཉམ་རོགས་འོག་ཁ་ཛ་མི་ལགས་ཀྱིས་༡༩༩༩ལོ་ནས་བཟུང་པ་ཀི་སི་ཐན་གྱི་སྦལ་ཏི་ཡུལ་ དུ་བོད་ཡིག་སླར་གསོའི་ཕྱག་ལས་གནང་མགོ་བཙུགས་ཏེ། བོད་ཡིག་ནང་གཞི་རིམ་གྱི་སློབ་དེབ་དཔར་སྐྲུན་བྱས་པ་མ་ཟད། སྐར་རྡོ་གྲོང་ཁྱེར་ནང་གི་ཚོང་ཁང་གི་སྒོ་བྱང་རྣམས་བོད་ཡིག་ནང་འབྲི་བར་རོགས་རམ་བྱས་སྟབས། དེང་སྐབས་ཀྱི་ཕྱི་ལོགས་ཀྱི་མི་སུ་ཞིག་སྐར་རྡོ་གྲོང་ཁྱེར་དུ་འཛུལ་མ་ཐག་ཐོག་མར་མིག་ལམ་དུ་ཤར་བ་ནི་སྒོ་བྱང་འདི་དག་ཡིན་འདུག ཁ་ཛ་མི་ལགས་ཀྱིས་''ཁ་ཆེ་མུལ་ལ་རྣམས་ཀྱིས་འདི་དག་ནི་ཁ་ཆེ་བ་མིན་ཚུལ་གནོན་ཤུགས་ཕྱོགས་ཡོངས་ནས་སྤྲོད་ནའང་ང་ཚོར་མང་ཚོགས་ཀྱི་རྒྱབ་སྐྱོར་ཡག་པོ་རག་སོང་། ང་ཚོའི་དམིགས་ཡུལ་ནི་རིག་གཞུང་རྐྱང་བ་ཡིན་ལ། རིམ་བཞིན་ང་ཚོས་སྦལ་ཏི་ཡུལ་འདིར་རིག་གཞུང་གི་ལྗོངས་རྒྱུའི་ལས་དོན་ཡར་རྒྱས་གཏོང་གི་ཡིན་''ཞེས་བརྗོད་ཡོད། འདི་ལྟར་སྦལ་ཏི་རིག་གཞུང་ཐེབས་རྩ་ཁང་གིས་བོད་ཡིག་གི་འབྲི་རྒྱུན་སླར་གསོའི་ཞོར་དུ་སྦལ་ཏི་ཡུལ་གྱི་དུས་སྟོན་དང་གཞས། ཞབས་བྲོ། ལོ་རྒྱུས་ཀྱི་མཁར་རྙིང་སོགས་ཀྱང་བསྐྱར་གསོ་བྱེད་རྒྱུའི་འཆར་གཞི་ཡང་བཏིང་ཡོད་འདུག ཁ་ཛ་མི་ལགས་ཀྱི་ལས་གཞི་འདི་མགོ་བཙུགས་པ་ནས་བཟུང་ཁ་ཆེའི་ཆོས་དཔོན་དང་ཚོང་དཔོན་སོགས་ཁོང་གི་སར་བཅར་ཏེ་སྐྱོན་འཛུགས་བྱས་ཡོད་པ་དང་། ཁོང་གིས་དེ་དག་རེ་རེར་ཁ་ཏ་སློབ་གསོ་བྱས་ཏེ་ལས་གཞི་ལ་བར་ཆད་མ་བྱུང་ཙམ་ཡིན་པ་དང་། མང་བོ་ཞིག་ནི་ལས་གཞི་འདིའི་ཐད་གདེང་ཚོད་དེ་ཙམ་མེད་ནའང་སྐར་རྡོའི་གྲོང་ཁྱེར་དུ་སྦལ་ཏིའི་རིག་གཞུང་ཐེབས་རྩ་ཁང་ལ་བརྩི་མཐོང་ཆེ་ཞིང་། གྲོང་ཁྱེར་དེའི་ནང་གི་དཔེ་དེབ་བཙོང་མཁན་ཞིག་གིས་''མི་སུས་ཀྱང་ལོ་ངོ་བརྒྱ་ཕྲག་མང་བོའི་ལོ་རྒྱུས་ནག་བསུབ་གཏོང་གི་མ་རེད་''ཅེས་བརྗོད་ཡོད་ལ། ཁོང་ གི་དཔེ་ཁང་ནང་གི་བོད་ཡིག་གི་གཞི་རིམ་སློབ་དེབ་དེ་འགྲིམ་རྒྱུག་ཆེན་པོ་ཡོད་ ཚུལ་གོང་གསལ་གསར་འགོད་པར་འགྲེལ་བརྗོད་བྱས་པ་སོགས་སྦལ་ཏིའི་ཡུལ་མི་རྣམས་ ཀྱིས་ལས་གཞི་འདིའི་ཐད་རྒྱབ་སྐྱོར་ཆེན་པོ་གནང་གི་ཡོད་འདུག ཁ་ ཛ་མི་ལགས་ཀྱིས་ལས་གཞི་འདིར་པ་ཀི་སི་ཐན་ཡུལ་དུ་ཆབ་སྲིད་ཀྱི་འགོག་རྐྱེན་ཅི་ ཙམ་ཡོད་མེད་རྟོགས་དཀའ་ནའང་ཁོང་གིས་འདི་ནི་པཱ་ཀི་སི་ཐན་གྱི་ཨ་སི་ལ་མ་བྷ་ཌི་ དང་འབྲེལ་བ་གང་ཡང་མེད་སྐོར་ཨུ་ཚུགས་ཀྱིས་བརྗོད་ལ། ''ང་ཚོས་སྦལ་ཏི་སི་ཐན་གྱི་དོན་དུ་ལས་ཀ་བྱེད་ཀྱི་ཡོད་པ་རེད། འདི་ནི་པཱ ཀི་སི་ཐན་ལ་ཁ་གཏད་བཅག་པ་ཞིག་ནམ་ཡང་ཆགས་ཀྱི་ཡོད་མ་རེད། ཐ་ན་ང་ཚོར་ཁྲིམས་ཐོག་གི་ཐོབ་ཐང་མེད་ནའང་། པཱ་ཀི་སི་ཐན་གཞུང་གིས་ང་ཚོར་ཁ་པར་དང་། གློག ལམ། སློབ་གྲྭ་སོགས་འཛུགས་སྐྲུན་ཐད་དཔལ་འབྱོར་གྱི་རོགས་རམ་རྒྱ་ཆེན་པོ་གནང་ཡོད་པ་རེད་''ཅེས་འགྲེལ་བརྗོད་གནང་ཡོད། སྦལ་ ཏི་ཡུལ་འདིར་བོད་ཀྱི་འབྲོག་པ་རྣམས་དུས་ནམ་ཞིག་ནས་སླེབས་པ་གསལ་བོར་ཤེས་ རྟོགས་བྱུང་མེད་ནའང་བོད་ཀྱི་བཙན་པོའི་རྒྱལ་རབས་སྐབས་ནས་བཟུང་སྦལ་ཏི་ཡུལ་ནི་ བོད་རྒྱལ་ཁབ་ཀྱི་ས་ཁྱོན་ཆ་ཤས་སུ་གྲུབ་ཡོད་ལ། གང་ལྟར་ཡུལ་འདི་བོད་ལ་ཆོས་དང་རིག་གཞུང་གི་འབྲེལ་བ་ཆེན་པོ་ཡོད་སྟབས་དེང་སྐབས་ཀྱང་སྦལ་ཏི་ཡུལ་ལ་''བོད་ཆུང་བ་''ཞེས་ འབོད་སྲོལ་དར་ཡོད་པ་རེད།དུས་རབས་བཅུ་གཉིས་པ་ནས་བཟུང་སྦལ་ཏི་ཡུལ་དུ་བོད་ རིགས་མ་ཡིན་པའི་དབང་བསྒྱུར་བ་སླེབས་མགོ་ཚུགས་ཏེ་ཆོས་དང་རིག་གཞུང་ལ་ཡང་རིམ་ བཞིན་འཕོ་འགྱུར་བྱུང་མགོ་ཚུགས། དུས་ རབས་བཅུ་དྲུག་པ་ནས་བཟུང་ཡུལ་འདིར་ཏ་ཟིག་གི་ཁ་ཆེ་བ་རྣམས་དབུས་ཨེ་ཤ་ཡང་ཀཤཱི་ སྨིར་སོགས་བརྒྱུད་ནས་སླེབས་པ་དང་བསྟུན་སྦལ་ཏི་ཡུལ་འདི་ཁ་ཆེ་ཆོས་ལུགས་སུ་ བསྒྱུར་མགོ་ཚུགས་ཏེ། དེང་གི་དུས་སུའང་ཡུལ་འདིའི་བོད་རིགས་ཕལ་ཆེ་བ་ཁ་ཆེའི་ཆོས་སྒོར་ཞུགས་ཡོད་པ་རེད།

-- ༼ མེ་དམར་བོའི་འབར་ལམ་༽ཟིན་བྲིས་ལས་བཤུས།

བུ་མོའི་སྙིང་སྟོབས་ཆེ་བ་ལ།

ཕྲུ་གུ་འདི་ཕག་ཆམས་ལ་མི་ཞེད་ཀི

བོད་ཡིག་གཏག་ཚུལ་གཅིག་གྱུར་གཏོང་རྒྱུའི་རེ་ཞུ།

ང་ ཚོའི་མེས་པོའི་ཤུལ་བཞག་གི་སྐད་ཡིག་གཙང་མ་འདི་ཉིད་དེང་གི་འཛམ་གླིང་འཕེལ་ རྒྱས་ཀྱི་འགྲོས་དང་བསྟུན་ནས་ཆ་འཕྲིན་ལམ་དུ་བསྐྱོད་དང་སྐྱོད་བཞིན་པ་འདི་ནི་ ང་ཚོ་བོད་མི་ཡོངས་ཀྱི་ང་རྒྱལ་དང་གཟི་བརྗིད་རེད་ལ། ཁྱད་ པར་དུ་ཁྱེད་ཚོ་སྐད་ཡིག་འཛིན་སྐྱོང་སྤེལ་གསུམ་གྱི་བྱ་བ་རླབས་པོ་ཆེར་ཐུགས་ ཁུར་གནང་བའི་ཤེས་ལྡན་མི་སྣ་ཀུན་གྱི་མཛད་རྗེས་གལ་ཆེན་ཞིག་རེད། བོད་ ཀྱི་སྐད་ཡིག་ཆ་འཕྲིན་ལམ་དུ་བསྐྱོད་པ་ནས་བཟུང་། རང་རེའི་བོད་ཀྱི་རིག་གནས་རྒྱུད་འཛིན་དང་གོང་སྤེལ། བོད་ཀྱི་སྤྱི་ཚོགས་འཕེལ་རྒྱས། རྒྱལ་ཕྱི་ནང་གི་བོད་རིགས་སྤུན་ཟླའི་བར་གྱི་མཛའ་འབྲེལ་སོགས་ཕྱོགས་གང་ཐད་ནས་ ནུས་པ་ཆེན་པོ་འདོན་སྤེལ་བྱེད་ཐུབ་ཡོད། ཡིན་ ནའང་དེང་སང་བོད་ཡིག་མཉེན་ཆས་གང་མང་ཞིག་གསར་གཏོད་བྱེད་པའི་ཁྲོད་རྙོག་འཛིང་གི་ རང་བཞིན་རྒྱུན་མི་ཆད་པ་ཞིག་ཡོད་པ་ནི། བོད་ཡིག་མཉེན་ཆས་སྣ་ཚོགས་དར་བ་དང་མཉམ་དུ་བོད་ཡིག་གཏག་ཚུལ་ཡང་རྣམ་པ་སྣ་ཚོགས་ ཤིག་ཡོད་པས་ང་ཚོ་བོད་ཡིག་བཀོལ་མཁན་དག་ལ་དཀའ་གནད་མང་པོ་ཞིག་འཕྲད་ཀྱིན་ཡོད། དཔེར་ན། པཎ་ཊི་ཏ་བཀོལ་མཁན་ཞིག་གིས་ད་དུང་ཧི་མ་ལ་ཡ་དང་སམ་བྷོ་ཊ། དབྱངས་ཅན། དོན་ཡོད་སོགས་གཞན་དག་གི་མཉེན་ཆས་བཀོལ་མི་ཤེས་པ་དང་། སམ་བྷོ་ཊ་བཀོལ་མཁན་གྱིས་ཧི་གཟུགས་དང་པཎ་གཟུགས་སོགས་བཀོལ་མི་ཤེས་པ། ཧི་ གཟུགས་བཀོལ་མཁན་གྱི་པཎ་གཟུགས་དང་དོན་ཡོད་སོགས་གཞན་དག་གི་མཉེན་ཆས་བཀོལ་མི་ ཤེས་པ་སོགས་སྤྱིར་ན་བོད་ཡིག་གཅིག་པ་ཡིན་རུང་གཏག་ཚུལ་མི་འདྲ་བའི་རྐྱེན་གྱིས་ ཡིག་ཆ་སྣ་ཚོགས་ཐག་གཅོད་དང་པར་སྐྲུན་བྱེད་པ། དྲ་རྒྱ་ལྟ་བ། ཟིན་བྲིས་སྤེལ་བ། སྐད་འཇོག་པ་སོགས་ཀྱི་ཐད་ལ་དཀའ་གནད་དང་རྙོག་འཛིང་ཧ་ཅང་ཆེན་པོ་ཞིག་འདུག། དེའི་ ཕྱིར་ན་བོད་ཡིག་མཉེན་ཆས་ཅི་ཙམ་མང་པོ་ཞིག་གསར་གཏོད་བྱས་ན་དེ་ལས་ཀྱང་བཟང་མོད་ ཡི་གེ་གཏག་ཚུལ་ཐད་ནས་གཅིག་གྱུར་མ་བྱས་ཐབས་མེད་དང་གལ་ཏེ་གཅིག་གྱུར་བྱས་ན་ བོད་ཡིག་བཀོལ་མཁན་ཚོ་ལའང་སྟབས་བདེ་བ་དང་རང་རེའི་བོད་ཀྱི་སྐད་ཡིག་བཟང་པོ་ འདི་ཆ་འཕྲིན་ལམ་ནས་བདེ་བླག་ངང་འཕེལ་རྒྱས་འགྲོ་བར་དགེ་མཚན་ཆེན་པོ་འདུག་སྟེ།

༡ ༽ཧི་མ་ཡ་དང་སྨོན་ལམ་གསུམ་པ་ནི་རྒྱལ་སྤྱིའི་ཚད་ལྡན་ཨང་སྒྲིག་ནང་དུ་འཇུག་ཐུབ་ ཡོད་པ་དང་། འདིའི་ཡི་གེ་གཏག་བདེ་བ། རྩིས་འཁོར་གྱི་མ་ལག་དང་དྲ་རྒྱ་སོགས་ནས་གང་མོས་སུ་བཀོལ་སྤྱོད་གཏོང་ཐུབ་པའི་ ཁྱད་ཆོས་ལྡན་པས། གལ་སྲིད་དེང་སང་གི་པཎ་གཟུགས་དང་སམ་བྷོ་ཊ། དབྱངས་ཅན། དོན་ ཡོད་སོགས་ཡིག་གཟུགས་འདི་ཐམས་ཅད་ཧི་གཟུགས་གཅིག་པུའི་ཁོངས་སུ་བསྡུ་རྒྱུ་དང་ ཡི་གེའི་གཏག་ཚུལ་ཡང་ཧི་གཟུགས་ཀྱི་གཏག་ཚུལ་དང་གཅིག་མཚུངས་ཐུབ་ན། ཡིག་གཟུགས་དེ་དག་ཧི་མ་ལ་ཡ་དང་སྨོན་ལམ་གསུམ་པ་ནང་བཞིན་དུ་ཁྱབ་རྒྱ་ཆེན་པོ་ གཏོང་ཐུབ།

༢ ༽བོད་ཡིག་ལ་དབྱངས་གསལ་སོ་བཞི་ལས་མེད་པ་དང་འདི་ནི་འཛམ་གླིང་སྔོན་ཐོན་གྱི་ སྒྲ་ལྡན་ཡིག་རིགས་ཡིན་ཕྱིན་འདིའི་གཏག་ཚུལ་ཡང་དབྱིན་ཡིག་ལྟ་བུའི་འཐེབ་གཞོང་ གི་སྒྲིག་བཀོད་གཅིག་གྱུར་བྱེད་པ་ལས་འདྲ་གཟུགས་ཡི་གེ་རྒྱ་ཡིག་ལྟ་བུའི༼五笔输入、智能ABC、郑码、全拼、双拼༽ལྟ་བུའི་གཏག་ཚུལ་འདྲ་མིན་སྣ་ཚོགས་དགོས་དོན་གཏན་ནས་མེད། འདིས་ ཡིག་འབྲུ་སོ་བཞིའི་གཏག་ཚུལ་རྙོག་འཛིང་ཅན་ཞིག་ཏུ་སྒྱུར་བ་ལས་མི་ཁ་ཤས་ཀྱིས་ བཤད་པ་ལྟ་བུའི་གཏག་ཚུལ་ཅི་ཙམ་མང་ཡང་དེ་ཙམ་གྱི་བོད་ཡིག་སྔོན་ཐོན་གྱི་རྣམ་པ་ མཚོན་པའི་ངེས་པ་ཅི་ཡང་མེད།

༣ ༽བོད་ཡིག་མཉེན་ཆས་འདི་དག་ཧི་གཟུགས་ཀྱི་ཁོངས་སུ་བསྡུ་བ་དང་གཏག་ཚུལ་ཡང་གཅིག་ གྱུར་ཐུབ་ན་བོད་ཡིག་འདི་ཆ་འཕྲིན་ཐད་ནས་བདེ་བླག་ངང་འཕེལ་རྒྱས་འགྲོ་བ་དང་། དཔེར་ན་ཧི་གཟུགས་གཏག་ཤེས་ཚེ་པཎ་གཟུགས་དང་དོན་ཡོད་སོགས་གཞན་དག་གི་ཡིག་གཟུགས་ཚང་མ་གཏག་ཤེས་པ་མ་ཚད། ཡིག་ གཟུགས་ཐད་ནས་རང་གི་དགའ་ཕྱོགས་དང་བསྟུན་ནས་པཎ་གཟུགས་དང་དོན་ཡོད་སོགས་ཀྱི་ ཡིག་གཟུགས་གང་ཞིག་འདེམས་ན་ཆོག་ལ། ཡིག་གེའི་གཏག་ཚུལ་ཐད་ཀྱི་དཀའ་རྙོག་ཐམས་ཅད་ཀྱང་རང་བཞིན་ནས་སེལ་ཐུབ།

༤ ༽གལ་སྲིད་ཧི་གཟུགས་དང་པཎ་གཟུགས་སོགས་ཀྱི་ཡི་གེའི་ཆེ་ཆུང་དང་ཡིག་གཟུགས་སོགས་ གང་ཞིག་རང་གི་དགོས་མཁོ་དང་མི་འཐད་ཚེ་དེ་དག་དྲ་རྒྱའི་ཐོག་ནས་བཀོལ་མཁན་གྱི་ བསམ་འཆར་བསྡུ་ལེན་བྱས་ནས་རིམ་བཞིན་འཐུས་སྒོ་ཇེ་ཚང་དང་ཕུན་སུམ་ཇེ་ཚོགས་སུ་ བཏང་ན་ཆོག།

༥༽བོད་ཡིག་གཏག་ཚུལ་གཅིག་གྱུར་བྱེད་ཐུབ་ན། ང་ཚོ་བཀོལ་མཁན་ལ་ཧ་ཅང་སྟབས་བདེ་བ་མ་ཚད། དེང་ སང་པཎ་གཟུགས་ཁོ་ནར་མཁྲེགས་འཛིན་བྱེད་པའམ། ཧི་གཟུགས་ཁོ་ནར་མཁྲེགས་འཛིན་བྱས་པ། ཡང་ན་དོན་ཡོད་དང་སམ་བྷོ་ཊ་ཁོ་ནར་མཁྲེགས་འཛིན་བྱས་གནད་དོན་སེལ་ཐུབ་ལ། བོད་ཀྱི་མཐུན་སྒྲིལ་དང་བོད་སྐད་གཅིག་གྱུར། མ་འོངས་བོད་ཀྱི་མཉེན་ཆས་གཞན་དག་གསར་གཏོད་བྱེད་པ་སོགས་ལ་གཞི་རྩ་བརྟན་པོ་འཇོག་ཐུབ།

-- <<ཁ་བའི་རང་མདངས་>>ཞེས་པའི་པོད་ཁུག་ལས་བཤུས།

དཔྱད་གླེང་སྤེལ་སྟངས་སྒྲིག་བཀོད།

རི་མོས་བསྟན་པའི་གོ་རིམ་ལྟར་བྱས་ན་འགྲུབ་ངེས། ཁྱེད་ཀྱི་པོད་ཁུག་ཏུ་ཀློག་མཁན་གྱིས་དཔྱད་གླེང་མཐོང་མི་ཐུབ་པ་འདྲ་བས། དེ་མཐོང་བར་བྱེད་སྟངས་ཀྱང་རི་མོ་འདིར་ཚུད་ཡོད།

-- དྲ་གྲོགས་ཤིས་ཚང་ལྗང་མྱུག་གི་རེ་སྐུལ་ལྟར་ཐེ་བྲག་པས་མགྱོགས་བཟོ་བྱས།

པོད་ཁུག་འོག་ཏུ་གཟིགས་མཁན་གྲངས་ལེན་ཡོ་ཆས་འཇོག་སྟངས།

གོམ་པ་དང་པོ།
དྲ་ཚིགས་འདིར་སོང་། http://www.webcounter.com

གོམ་པ་གཉིས་པ།



གོམ་པ་གསུམ་པ།


གོམ་པ་བཞི་བ།


གོམ་པ་ལྔ་བ།
གོང་དུ་བཤུས་པའི་ཚབ་རྟགས་རྣམས་འདིར་ཕབ་རྗེས། མི་དགོས་པའི་ཚབ་རྟགས་འདོར་དགོས།

གོམ་པ་དྲུག་པ།
ཨང་གྲངས་འཆར་དགོས་པའི་ས་མིག་དེར་ཚབ་རྟགས་འཁེལ་བ་བྱེད་དགོས།

གོམ་པ་བདུན་པ།


གོམ་པ་བརྒྱད་པ།



གོམ་པ་དགུ་བ།


-- དྲ་གྲོགས་ཤིས་ཚང་ལྗང་མྱུག་གི་རེ་བ་ལྟར་ཐེ་བྲག་པས་སྒྲིག་བཟོ་བྱས།

རྒྱ་རིགས་མྱུལ་མ་གླས་པ།

བོད་པ་ཚོང་བ་ཞིག་གིས་རང་ཉིད་ཀྱི་ཆུང་མ་མི་གཞན་པ་དང་མཉམ་དུ་ལུས་འབྲེལ་བྱེད་ཀྱི་ཡོད་པར་དོགས་པ་ཟོས། དེ་བས་ཁོས་མདོ་མེད་གྲོང་ཁྱེར་གྱི་སྐད་གྲགས་ཅན་གྱི་རྒྱ་རིགས་མྱུལ་ཞིབ་པ་སྐུ་ཞབས་ཀྲང་ལགས་གླས་ཏེ་རང་ཉིད་ཀྱི་ཆུང་མར་ལྟ་རྟོག་བྱེད་དུ་བཅུག་ཅིང་། གལ་སྲིད་རྒྱུན་ལྡན་མ་ཡིན་པའི་འགུལ་སྐྱོད་ཅི་ཞིག་ཡོད་ན་ཁོ་ལ་སྙན་གསེང་འབུལ་དགོས་ཞེས་བཤད། ཉིན་ཁ་ཤས་རྗེས་ནས་ཁོ་ལ་གནས་ཚུལ་གྱི་སྙན་ཞུ་ཞིག་འབྱོར།

བཀུར་འོས་ཚོང་དཔོན་ལགས།
ཁྱེད་རང་ཕྱི་ལོགས་སུ་སོང་།
ཁོ་རང་སླེབས།
ངས་བལྟས།
ཁོ་དང་ཁོ་མོ་གཉིས་ཀ་ཕྱི་ལོགས་སུ་སོང་།
ངས་རྗེས་དེད།
ཁོ་དང་ཁོ་མོ་གཉིས་མགྲོན་ཁང་གི་ནང་དུ་སོང་།
ང་སྡོང་མགོར་འཛེགས། སྒེའུ་ཁུང་ནང་ནས་བལྟས།
ཁོས་ཁོ་མོར་འོ་བྱས།
ཁོ་མོས་ཁོར་འོ་བྱས།
ཁོས་ཁོ་མོའི་གོན་པ་ཕུད།
ཁོ་མོས་ཁོའི་གོན་པ་ཕུད།
ཁོས་ཁོ་མོ་འཕུར་འཕུར་བྱས།
ཁོ་མོས་ཁོ་འཕུར་འཕུར།
ངས་རང་ཉིད་འཕུར་འཕུར་བྱས།
སྡོང་མགོ་ནས་ལྷུང་། ཅང་མཐོང་མ་སོང་།
གླ་མི་དགོས།

རྒྱ་བོད་དབྱིན་གསུམ་ཤན་སྦྱར་གྱི་གསར་བྱུང་རྒྱུན་བཀོལ་མིང་མཛོད་བལྟ་བསྐུལ་གྱི་སྔོན་བརྡ།

མཁན་ཆེན་ཚུལ་ཁྲིམས་བློ་གྲོས་ཀྱི་གསུང་རྩོམ་ལས་བཏུས།

དྲུག་པ།

ཐ་ སྙད་གཏན་ལ་ཕབ་ཚུལ། མིང་མཛོད་དེ་གཉིས་ཀའི་ནང་དུ་མིང་རྙིང་པ་ཉུང་ཤོས་ཤིག་ཁྱབ་གདལ་དུ་གཏོང་བའི་ ཕྱིར་དུ་བཞག་ཡོད་པ་ལས། གཞན་ཐམས་ཅད་གསར་བྱུང་གི་དངོས་པོའི་ཐ་སྙད་གསར་བ་ཤ་སྟག་ཡིན། ཐ་སྙད་དེ་རྣམས་གཏན་ལ་འབེབས་པ་ན། འགའ་ཞིག་ནི་དངོས་པོ་དེའི་རྒྱུ་འབྲས་སམ་དབྱིབས་ཁ་དོག་བྱེད་ལས་ཐོན་ཡུལ་བཅས་ལ་ བརྟགས་ནས་མིང་གསར་དུ་བཏགས། དེ་ཡང་ཅི་ནུས་ཀྱིས་རང་རེའི་ཕ་མེས་གོང་མ་རྣམས་ཀྱི་མིང་གདགས་ཚུལ་ལྟར་དུ་དོན་ སྟོན་ཞིང་བརྗོད་བདེ་བ་ཡི་གེ་ཉུང་བར་བྱས་སོ། །འགའ་ཞིག་ནི་དབྱིན་ཡིག་དང་རྒྱ་ཡིག་གི་མིང་སྔར་ཡོད་པ་བསྒྱུར། དེ་ཡང་སྒྲ་སྦྱོར་བམ་པོ་གཉིས་པ་ལས་གཏན་ལ་ཕབ་པའི་ཡིག་སྒྱུར་གྱི་ཚུལ་དང༌། དེང་རབས་ཀྱི་ཡིག་སྒྱུར་བྱེད་ཚུལ་ཡོངས་སུ་གྲགས་པ་རྣམས་ལ་བརྟེན་ནས་བསྒྱུར། བསྒྱུར་གཞི་མིང་དེ་སྤྱིར་བཏང་ལ་དངོས་པོ་དེ་ཐོན་ཡུལ་ཕྱི་གླིང་ངམ་རྒྱ་ནག་གང་ ཡིན་གྱི་ཡི་གེ་དབང་བཙན་དུ་བྱས། དམིགས་བསལ་ལ་དོན་དང་གང་འབྱོར་བ་དེ་ཉིད་གཙོ་བོར་བཟུང་ངོ༌། །མིའམ་ས་མིང་སོགས་ཀྱི་ཟུར་ལས་གྲས་པ་ལྟ་བུའི་ཐ་སྙད་ཉུང་ཟད་ཅིག་ནི་གཞན་གྱི་ སྐད་སོར་བཞག་བྱས། དམིགས་བསལ་གྱི་ཐ་སྙད་འགའ་ཞིག་ནི་ཉམས་མཚར་སོགས་ཀྱི་ཆེད་དུ་བོད་སྐད་ཀྱི་དོན་ སྟོན་ཞིང་གཞན་སྐད་ཀྱི་གདངས་མ་མཉམས་པར་བྱས་ཡོད་དོ། །ཐ་སྙད་དེ་རྣམས་ཐམས་ཅད་ཀྱང་སོ་སོའི་རང་ས་ནས་བཟོས་པ་ཙམ་མ་ཡིན་པར་སྒྲིག་པ་པོ་ ཐམས་ཅད་ལྷན་དུ་འདུས་ནས་མིང་རེ་རེ་བཞིན་དུ་བགྲོ་གླེང་ཞིབ་མོར་བྱས་ནས་བརྗོད་ བྱའི་དོན་དང་འབྱོར་མི་འབྱོར། བརྗོད་པ་བདེ་མི་བདེ། བོད་སྤྱིའི་སྐད་དུ་སོང་མ་སོང་སོགས་ལ་བརྟག་དཔྱད་ཡང་ཡང་བྱས་པར་མ་ཟད། བོད་ཆོལ་ཁ་གསུམ་གྱི་ས་གནས་སོ་སོའི་སྐད་ཡིག་ལ་མཁས་པ་རྣམས་ཀྱི་མདུན་དུ་དགོངས་ འཆར་བསྡུ་བའི་ཕྱིར་དུཐོག་མའི་མ་ཟིན་ཕུལ་ཞིང༌། དགོངས་འཆར་གནང་བ་རྣམས་ལ་བླང་དོར་ཚུལ་བཞིན་དུ་བྱས་པ་ཡིན་པས། བརྗོད་བྱའི་དོན་དང་མཐུན་ཞིང་མ་མཐར་ཡང་བོད་མཐའ་དབུས་ཡོངས་ལ་གོ་བརྡ་འཕྲོད་ལ། ཕལ་མོ་ཆེ་ཞིག་བརྗོད་ཀྱང་བདེ། རེ་ཟུང་ཞིག་ཐོག་མར་མི་བདེ་བ་ལྟར་སྣང་ཡང་ཅུང་ཟད་ལོབས་པ་ན་བདེ་བས་ཕལ་ཆེར་ཐ་ སྙད་སྐྱོན་མེད་པ་རེ་ཡིན་པར་སེམས་སོ། །

བདུན་པ།

སྙིང་ ཐག་པའི་རེ་ཞུ། བོད་ཁ་བ་ཅན་གྱི་ཞིང་འབྲོག་མི་མང་བྱིངས་དང་གྲོང་ཁྱེར་གྱི་སྡོད་དམངས། དགོན་པའི་གྲྭ་ཚང༌། སློབ་གྲྭའི་དགེ་རྒན་དང་སློབ་མ། ལས་ཁུངས་སོ་སོའི་མི་སྣ་རྣམས་ལ་སྙིང་ཐག་པ་ནས་ཞུ་བ་ནི། སྐད་ཡིག་ཉམས་ན་རིག་གནས་ཀྱི་རྨང་གཞི་མེད་པས་མི་རིགས་ཀྱི་རིག་གནས་རིང་དུ་མི་ གནས། མི་རིགས་ཀྱི་རིག་གནས་མེད་ན་ཡུལ་སྲོལ་གོམས་གཤིས་དང་བསམ་བློའི་འཁྱེར་སོ། །དད་འདུན་དང་ལོ་རྒྱུས་ཐམས་ཅད་འཇིག་པས་མི་རིགས་དེ་རིང་དུ་མི་གནས། མི་རིགས་ཀྱི་ངོ་བོ་ཉམས་པར་གྱུར་ན། དེའི་རྗེས་ནས་ཡར་རྒྱས་སུ་ཅུང་ཟད་སོང་ཡང༌། དེ་ནི་གཞན་ཞིག་ཡར་རྒྱས་སུ་སོང་བ་ཡིན་གྱི། བོད་མི་རིགས་ཡར་རྒྱས་སུ་སོང་བ་མ་ཡིན་པར་མ་ཟད་མཇུག་རྫོགས་པར་གྱུར་པ་ཡིན་ནོ། །དེས་ན་ཐམས་ཅད་ཀྱི་རྩ་བ་སྐད་ཡིག་ལ་ཐུག་པ་ཤེས་པར་བྱས་ཏེ། སྐད་ཡིག་ལ་གཅེས་འཛིན་བྱ་དགོས། དེ་ཡང་མི་རེ་རེ་བཞིན་དུ་ཐོག་མར་རང་གི་སྟེང་ནས་བསྒྲུབ་དགོས་པས། ད་ནས་བཟུང་རང་སྐད་གཙང་མ་ཞིག་སྨྲ་བར་ཅིས་ཀྱང་ཞུ་ཞུ། མིང་མཛོད་འདི་ཐོག་མར་དེབ་ཁྲི་ཕྲག་གཅིག་དགོན་པ་སོ་སོ་དང༌། སློབ་གྲྭ་ཁག་དང༌། འབྲེལ་ཡོད་ལས་ཁུངས་སོགས་ལ་རིན་མེད་དུ་འབུལ་རྒྱུ་ཡིན་ལ། གཞན་རྣམས་ཀྱང་རིན་གོང་ཅུང་ཟད་ཆུང་བར་བྱས་ཏེ། ས་གནས་སོ་སོའི་དཔེ་ཚོང་ཁང་སོགས་བརྒྱུད་ནས་འགྲེམ་སྤེལ་བྱ་རྒྱུ་ཡིན་པས་བཏང་ སྙོམས་སུ་མི་གཞག་པར་དུས་ཐོག་ཏུ་དོན་གཉེར་གནང་ནས། འདིའི་ཐ་སྙད་རྣམས་ཁོང་དུ་ཆུད་པ་དང་ཁ་ལ་བྱང་བ་ཞིག་བྱེད་པར་སྙིང་ཐག་པ་ནས་ཞུ་ བ་ལགས་སོ།།

བརྒྱད་པ།

སླད་མའི་ཞུ་ གསོལ། གོང་དུ་སྨྲས་པ་བཞིན་མིང་མཛོད་འདི་གཉིས་བསྒྲིག་པའི་བྱ་བའི་ནང་དུ་ཁོ་བོ་ཅག་ གི་རང་ནུས་ཅི་ཡོད་ཀྱིས་ནན་ཏན་བྱེད་ཁུལ་ཡིན་མོད། དེ་ལྟ་ནའང་སྤྱིར་རིག་གནས་ཀྱི་ཚད་ཞན་ཅིང༌། ཁྱད་པར་དུ་མིང་མཛོད་བསྒྲིག་རྒྱུའི་ཉམས་མྱོང་ཆེར་མེད་པ་དང༌། སྐབས་འགར་ནན་ཟབ་བྱེད་རྒྱུས་མ་འདངས་པ་སོགས་ཀྱི་སྐྱོན་ཡང་ཡོད་སྲིད་པས། བོད་ཀྱི་སྐད་ཡིག་གི་ཆེད་ལས་མཁས་པ་སོགས་ཀྱིས་སྐྱོན་ཡོད་པ་དང་མ་འདང་བའི་སྐོར་ ལ་སུན་འབྱིན་དང་ལེགས་བཅོས་ཀྱི་དགོངས་འཆར་དག་ཡིག་ཐོག་གམ་ཁ་པར་སོགས་ཀྱི་ལམ་ ནས་ལྷུག་པར་གནང་བར་མཛད་དུ་གསོལ། དགོངས་འཆར་གྱི་འཕྲིན་ཡིག་བསྐུར་ཡུལ་ལམ་ཁ་པར་ཨང་གྲངས་སམ་དྲྭ་ཡིག་ཁ་བྱང་རྣམས་ མིང་མཛོད་དང་མཉམ་དུ་འབུལ་རྒྱུ་ཡིན་ནོ། །ཞེས་པའང་བོད་རབ་གནས་མེ་ཕག་ཟླ་༡༠པའི་ཚེས་༡༩ཉིན་ཚུལ་ཁྲིམས་བློ་གྲོས་ཀྱིས་གྲོང་ཁྱེར་པདྨ་ཅན་དུ་བྲིས་པའོ། ། ། །

-- <<གཡུ་མདོག་གི་ཕ་ཁྱིམ་>>པོད་ཁུག་ལས་བཤུས།

གཞུང་དོན་འདི་ལྟར་སྒྲུབ་དགོས།

GB༥༠༠ཅན་གྱི་འཛིན་སྣོད་འོད་སྡེར་ལེགས་འགྲུབ་འབྱུང་རྒྱུ་ཡིན་པ།

ཨ་རིའི་ཡོངས་སྤྱོད་གློག་ཤུགས་ཚོང་སྡེས་སྤྱི་ཟླ་༤བའི་ཚེས་༢༧ཉིན་བསྒྲགས་པའི་གནས་ཚུལ་ལྟར་ན། ཞིབ་འཇུག་པ་ཚོས་ཤོང་ཚད་ཧ་ཅང་མཐོ་བའི་འཛིན་སྣོད་ཅིག་བཟོ་སྐྲུན་གྱི་ཞིབ་འཇུག་ལས་ཀ་ལམ་ལྷོངས་བྱུང་སྟེ། མི་འགྱངས་པར་ཐོན་རྫས་འདིས་སྲོལ་རྒྱུན་གྱི་འཛིན་སྣོད་CDའོད་སྡེར་དང་DVDའོད་སྡེར་ལ་རེ་ཞིག་ངལ་གསོ་སྦྱིན་རྒྱུ་རེད་ཟེར། བཀོད་པའི་གནས་ཚུལ་ལྟར་ན། འཛིན་སྣོད་གསར་པ་འདིའི་ཕྱི་དབྱིབས་དང་ཆེ་ཆུང་ནི་རྒྱུན་ལྡན་གྱི་DVDདང་གཅིག་མཚུངས་ཡིན་ཞིང་། ཤོང་ཚད་ནི་རྒྱུན་ལྡན་གྱི་DVDབརྒྱ་ཐམ་པའི་ཤོང་ཚད་ལས་བརྒལ་ཟེར། སྲོལ་རྒྱུན་གྱི་འཛིན་སྣོད་ཁག་གིས་སྟེང་ངོས་ཁོ་ན་མ་གཏོགས་མི་སྤྱོད་མོད། ད་ཐེངས་ཀྱི་འཛིན་ཆས་འདིས་ངོས་གསུམ་བེད་སྤྱོད་ཀྱི་ཡོད་ཟེར། འཛིན་སྣོད་གསར་པ་འདི་གཏོང་བྱེད་ནི་སྲོལ་རྒྱུན་གྱི་DVDགཏོང་བྱེད་དང་འདྲ་བས་མ་འོངས་པར་DVDདང་CDསོགས་ཀྱི་ནང་གི་རྒྱུ་ཆ་ཀློག་དགོས་ཚེ་གཏོང་བྱེད་གཅིག་པོ་འདིས་འཐུས་པ་རེད།

-- ཐེ་བྲག་པས་བསྡུས་ཏེ་བསྒྱུར།

དཔལ་འབྱོར་ཉམས་རྒུད་ཀྱི་ཤུགས་རྐྱེན།

ཀྲུང་གོའི་ཚོང་བ་ཞིག་གིས་མཛའ་མོ་ལྔའི་འགྲོ་སོང་མུ་མཐུད་དུ་གཏོང་མི་ཐུབ་པའི་རྐྱེན་གྱིས་འགྲན་བསྡུར་ཞིག་བསྡུས་ཏེ་ཁོང་ཚོ་ལས་སུ་ཞིག་ཉར་དགོས་མིན་ཐག་གཅོད་བྱས།
ཆིན་ཏོ་གྲོང་ཁྱེར་གྱི་《ཕྱེད་གླིང་གྲོང་ཁྱེར་ཞོགས་པའི་གསར་འགྱུར་》དུ་བཀོད་པ་ལྟར་ན། ཚོང་བདག་ཧྥན་ལགས་གཉེན་སྒྲིག་བྱས་པ་མ་ཚད་ཕྲུ་གུ་ལྔ་ཡོད་མོད། འོན་ཀྱང་མུ་མཐུད་དུ་རང་ཉིད་ཀྱི་རྒྱུ་ཤུགས་ལ་བརྟེན་ནས་མཛའ་མོ་ལྔ་བསྟེན། མཛའ་མོ་ལྔ་བོས་ཕན་ཚུན་ངོ་ཤེས་པ་མ་ཟད་ཕན་ཚུན་གྱི་གནས་ཚུལ་ཡང་ཤེས་མོད། རང་ཉིད་ལ་ཚོང་བདག་ལས་འབབ་པའི་ཐོབ་ཁེ་སྟེ། ཟླ་རེའི་ཁང་གླའི་སྟེང་དུ་ད་ད་རུང་ཟླ་རེའི་འཚོ་ཐེབས་སྒོར་མོ་༥༠༠༠རེ་ཡོད་པ་དེའི་རྒྱུན་མི་ཆད་ཆེད། ཁོང་ཚོ་ལས་སུ་ཡང་རང་མོས་ཀྱིས་ཚོང་བདག་ཧྥན་དང་ཁ་འབྲལ་འདོད་མ་བྱུང་།
འོན་ཀྱང་། ད་ཐེངས་ཀྱི་འཛམ་གླིང་དངུལ་རྩའི་ཉམས་ཉེས་ཀྱིས་ཚོང་སྡེ་དང་མི་སྒེར་ཡོང་ལ་དཔལ་འབྱོར་ཐོག་དཀའ་ངལ་སྤྲད་ཡོད་རྐྱེན། རྒྱལ་བོའི་རྒྱལ་ས་མ་བདེ་ན་སྤྲང་བོའི་ཉལ་ས་ཡང་མི་བདེ་ཞེས་པའི་དཔེ་ལྟར། འཛམ་གླིང་རང་བཞིན་གྱི་དཔལ་འབྱོར་ཉམས་རྒུད་ཀྱིས་ཁོའི་སྒེར་གྱི་སྐྱིད་སྡོད་འཚོ་བའི་གོམས་གཤིས་ལའང་ཕོག་ཐུག་ཁ་ཟུར་སྣ་ཟུར་ནས་བཏང་། དེ་བས་ཁོས་མཛའ་མོ་ལྔ་ལས་གཅིག་བདམས་ཏེ་ཉར་རྒྱུ་དང་གཞན་པ་རྣམས་གཡུག་རྒྱུ་བྱས།
ཚོང་བདག་ཧྥན་གྱིས་འདེམས་ནོར་མི་ཡོང་ཆེད། ཁོས་ས་གནས་གོས་གཤོམ་ཚོང་སྡེ་ཞིག་གི་སློབ་སྟོན་པ་གླས་ཏེ་སྒེར་གཉེར་འགྲན་བསྡུར་ཞིག་བསྡུས། འགྲན་བསྡུར་གྱི་རྩ་འཛིན་བྱ་ཡུལ་ནི་ཁོང་ཚོའི་ཕྱིའི་མཛེས་སྡུག་དང་ངག་གི་བདེ་ཉམས། ཆང་འཐུང་གི་རྩལ་བཅས་ཡིན་པ་རེད། འོན་ཀྱང་ཐོག་མར་བུ་མོ་ཚོས་འགྲན་བསྡུར་འདིའི་དམིགས་ཡུལ་ག་ལ་ཤེས། རང་ལོ་༢༩ལ་སོན་པའི་བུ་མོ་ཡུའུ་ཡི་གཟུགས་བྱད་གཞན་པ་ཚོ་ལྟར་མི་མཛེས་པའི་རྐྱེན་གྱིས་འགྲན་བསྡུར་གྱི་འགྲན་ཐེངས་དང་པོའི་ནང་ནས་ཕྱིར་ཕུད་བྱས། འདི་ཐད་ལ་བུ་མོ་ཡུའུ་ཧ་ཅང་ཁོང་ཁྲོ་ཟ།
བུ་མོ་ཡུའུ་ཡིས་སེམས་གཏིང་ནས་མཐོང་ཆུང་དང་བརྙས་བཅོས་འདིར་ཤ་འཁོན་རྩོད་རྒྱུ་ཐག་གིས་བཤད། ཁོ་མོས་རང་ཉིད་ཕྱིར་ཕ་ཡུལ་དུ་མ་ལོག་གོང་ཚོང་བདག་ཁོང་དང་ཁོང་གི་མཛའ་མོ་གཞན་པ་བཞི་བོ་དང་མཉམ་དུ་ལྟ་སྐོར་ལ་ཐེངས་ཤིག་འགྲོ་བའི་རེ་འདུན་བཏོན་པ་ལྟར་ཁོང་ཚོས་མོས་མཐུན་བྱས། ལམ་བར་དུ་བུ་མོ་ཡུའུ་ཡིས་རླངས་འཁོར་བསྐོར་ཏེ་གད་པའི་སྟེང་ནས་མར་མཆོང་། བུ་མོ་ཡུའུ་དེ་མ་ཐག་ཤི་བ་དང་གཞན་པ་ཚོར་རྨས་ལྗིད་མོ་ཕོག
ཉེན་རྟོག་པས་ཐོག་པར་འདི་ནི་སྤྱིར་བཏང་གི་དོན་རྐྱེན་ཞིག་ཡིན་པར་འདོད་མོད། འོན་ཀྱང་རྗེས་སུ་བུ་མོ་ཡུའུ་ཡིས་བྲིས་པའི་ཁ་ཆེམས་ཡི་གེ་ལག་ཏུ་རྙེད། ཁ་ཆེམས་ཡི་གེའི་ནང་དུ་དོན་དག་ཚང་མ་གསལ་བོར་བྲིས་ཡོད་པ་རེད།
དོན་རྐྱེན་འདིའི་དབང་གིས་ཚོང་བདག་ཧྥན་གྱིས་རང་ཉིད་ཀྱི་ཀུང་སི་སྒོ་དགོས་བྱུང་བ་མ་ཟད་་འདས་པོ་ཡུའུ་ཡི་ཕ་མར་ཡང་སྒོར་༥༨༠༠༠༠སྤྲོད་དགོས་བྱུང་། དོན་རྐྱེན་ཡོངས་རྫོགས་གསལ་བོར་ཆགས་རྗེས་མཛའ་མོ་གཞན་པ་བཞི་བོས་ཚོང་བདག་ཧྥན་བསྐྱུར་བ་མ་ཟད་ཁོའི་ཆུང་མ་ཡང་ཁོ་དང་ཁ་བྲལ།
བུ་མོ་ཡུའུ་ནི་སྔོན་ཆད་ཆིན་ཏོ་གྲོང་ཁྱེར་གྱི་གསོལ་མགྲོན་ཁང་ཞིག་གི་ཞབས་ཞུ་མ་ཡིན་ཞིང་། ཁོ་མོ་སྤྱི་ལོ་༢༠༠༠ལོར་ཚོང་བདག་ཧྥན་ལ་ཐུག

མཚམས་འདིར་ངས་བོད་ཀྱི་གཏམ་དཔེ་ཞིག་དྲན་ཡོང་།

འདོད་ཆགས་མ་རེད་མགོ་ཆག་རེད།། མགོ་ཀླད་པ་དཀྱི་ལི་སྐོར་བྱེད་རེད།།

-- ཐེ་བྲག་པས་སྡུད་སྒྲིག་བྱས།

འཇིགས་སུ་རུང་བའི་མགོ་རུས།

ཨོ་སི་ཁྲི་ལི་ཡའི་ཉེན་རྟོག་པས་འཇིགས་སུ་རུང་བའི་པར་རིས་ཤིག་འགྲེམས་སྟོན་བྱས། དེ་ནི་གསོད་དུས་མགོ་ནང་དུ་འཛེར་རྡེབ་འཕྲུལ་ཆས་ཀྱིས་བསྟུད་མར་འཛེར་མ་༣༤བརྡབས་ཏེ་བསད་པའི་ཀྲུང་གོ་བ་ཞིག་གི་མགོ་རུས་ཀྱི་Xའོད་ཀྱི་པར་རིས་རེད། ཉེན་རྟོག་པས་ངོ་སྤྲོད་བྱས་པ་ལྟར་ན་མི་འདིའི་མིང་ལ་ཁྲིན་ལིའུ་ཟེར་ཞིང་མི་འདི་འདི་ལྟར་བསད་རྗེས་རོ་གཙང་བོའི་ནང་དུ་གཡུགས་འདུག་ཟེར།
དེ་ཡང་ཉེས་དོན་མྱུལ་ཞིབ་པས་རང་ལོ་༢༧ལ་སོན་པའི་སྐུ་ཞབས་ལིའུ་གསོད་སྟངས་འདི་འདྲའི་གདུག་རྩུབ་ཅན་ཞིག་ཁོས་སྔོན་ཆད་མཐོང་མྱོང་མེད་ཟེར། མི་གསོད་ཉེས་དོན་ཞིབ་དཔྱོད་དཔོན་སྐུ་ཞབས་ལྗེའོ་ཧྥོ་ཡིས་རང་ཉིད་བྱ་བར་ཞུགས་ནས་རང་ལོ་༣༦འགྲོ་བཞིན་ཡོད་ཀྱང་འདི་ལྟ་བུའི་ཉེས་དོན་ཞིག་ལ་ཐུག་མྱོང་མེད་ཅིང་། ད་ཐེངས་ཀྱི་དོན་རྐྱེན་འདིས་ཉེས་དོན་མྱུལ་ཞིབ་པ་ཚོ་ཧོན་འཐོར་དུ་བཅུག་ཡོད་ཟེར།


-- ཐེ་བྲག་པས་བསྡུས་ཏེ་བསྒྱུར།

མི་སྤྱོད་ལས་འདས་པའི་ཉེས་དོན།

༠༩ལོའི་སྤྱི་ཟླ་༤བའི་ཚེས་༢༤ཉིན།

ལུས་པོའི་ཆ་ཤས་ཡོངས་རྫོགས་རྫོང་ཁག་གཉིས་སུ་གཏོར་བའི་སྐྱེས་པ་དེ་ནི་རང་ལོ་༤༩ལ་སོན་པའི་སྐུ་ཞབས་ལྗེ་ཧྥི་རེའེ་ལགས་རེད།
དེ་ཡང་དབྱིན་ཇིའི་ལོན་ཏོན་ཉེན་རྟོག་པས་ཉེ་སྔོན་འདས་པོའི་ལུས་པོའི་ཆ་ཤས་རྫོང་ཁག་གཉིས་སུ་གཏོར་བའི་ཉེས་དོན་ཞིག་བརྩད་གཅོད་བྱས། ཉེས་ཅན་གྱིས་རྐྱེན་ལམ་དུ་ཕྱིན་པའི་མི་དེ་བསད་རྗེས་ཁོའི་གཟུགས་པོ་དུམ་པུ་དུམ་པུར་བཏང་སྟེ་རྫོང་ཁག་གཉིས་ཀྱི་ས་ཁོངས་སུ་གང་སར་གཏོར་ནས་འདས་པོའི་ཐོབ་ཐང་ངོས་མི་ཟིན་པ་བྱས། འོན་ཀྱང་། ཉེན་རྟོག་པ་ཚོས་ཁོའི་གཟུགས་པོའི་ཆ་ཤས་སྡུད་རུབ་དང་གཟུགས་པོའི་ཆ་ཤས་ཀྱི་ཁྱད་རྟགས་ཁག་ལ་བལྟས་པ་བརྒྱུད་མཐའ་མར་རྐྱེན་ལམ་དུ་ཕྱིན་པའི་མི་དེ་ལོན་ཏོན་གྲོང་ཁྱེར་གྱི་ལྷོ་སྒོའི་ཁུལ་གྱི་ཡུལ་མི་ལྗེ་ཧྥི་རེའེ་ཟེར་བ་ཞིག་ཡིན་པ་རྟོགས།
ཉེན་རྟོག་པས་ད་སྔ་ཉེས་དོན་འདིའི་ཐད་དུ་དོགས་གཞི་ཡོད་པའི་མི་གཉིས་འཛིན་བཟུང་བྱས་ཡོད་ལ་ད་ལྟ་ཁོང་གཉིས་ལ་འདྲི་གཅོད་བྱེད་བཞིན་པའི་སྒང་ཡིན་པ་རེད།
ད་བར་དུ་རྐྱེན་ལམ་དུ་ཕྱིན་པའི་འདས་པོ་དེའི་ལག་པ་གཉིས་མ་གཏོགས་གཟུགས་པོའི་ཆ་ཤས་གཞན་པ་ཡོངས་རྫོགས་ཕྱིར་རྙེད་ཡོད་པ་རེད།

-- ཐེ་བྲག་པས་བསྡུས་བསྒྱུར་བྱས།

འགུལ་རིས་ལ་གོ་བ་གསར་པ་ལེན་པ།

ཁྱེད་ཀྱི་མགོ་འཆར་ངོས་དང་ཐག་ཉེ་སར་འཁུར་རྗེས་ཡང་བསྐྱར་ཐག་རིང་སར་འཁུར་དང་། ཁྱེད་ཀྱིས་ཅི་ཞིག་ཚོར།

ཁྱེད་ཀྱིས་སྲོག་ཆགས་ཅི་ཞིག་མཐོང་སོང་།

ཁྱེད་ཀྱིས་མགོ་གཡས་སུ་འཁྱོག་སྟེ་བལྟས་ན་བྱ་ངུར་བ་ཞིག་མཐོང་ཞིང་། དེ་རྗེས་ཁྱེད་ཀྱིས་མགོ་གཡོན་ཏུ་འཁྱོག་སྟེ་བལྟས་ན་རི་བོང་ཞིག་མཐོང་།

མགོ་ན་དོན།

དགོད་བྲོའི་འདྲ་པར།

མིའི་གློ་བའི་ནང་དུ་ཐང་ཤིང་སྐྱེས་པ།

རཱ་ཤེ་ཡའི་མོ་སི་ཁོ་གསར་འགྱུར་དྲ་བས་སྤེལ་བའི་གནས་ཚུལ་ལྟར་ན། རང་ལོ་༢༨ལ་སོན་པའི་ནད་པ་ཞིག་གི་གློ་བའི་ནང་ནས་རིང་ཚད་ལ་ལིའི་སྨིས་༥ཡོད་པའི་ཐང་ཤིང་རྙེད་ཡོད་པ་རེད།
དེ་ཡང་རང་ལོ་༢༨ལ་སོན་པའི་སི་རྡོན་ཁིན་གྱི་བྲང་ཁ་ན་ཞིང་ཁ་ལུད་ཀྱི་ནང་དུ་ཁྲག་ཡོད་པའི་རྐྱེན་གྱིས་སྨན་ཁང་དུ་བརྟག་དཔྱད་དུ་སོང་། སྨན་པ་ཚོས་ཁོང་ལ་གློ་བའི་སྐྲན་ནད་ཕོག་ཡོད་མེད་བལྟ་ཆེད་གློ་ཤུན་ཅུང་ཙམ་བཀོག་པ་ན། ཧང་སངས་དགོས་པ་ཤིག་ལ། སྨན་པ་ཚོས་མི་འདིའི་གློ་བའི་ནང་དུ་ལྗང་མདོག་ལྡན་པའི་ཡལ་ག་ཞིག་རྙེད་པ་རེད། ཁོང་ཚོས་རང་ཉིད་ཀྱི་མིག་ཟུང་ལ་ཡིད་མི་ཆེས་པའི་སྒོ་ནས་མུ་མཐུད་དུ་གཤག་བཅོས་བྱས་པས་མཐའ་མར་ཁོང་ཚོས་ནད་པའི་གློ་བའི་ནང་ནས་ཐང་ཤིང་གི་ཡལ་ག་ཧྲིལ་བོ་ཞིག་ཕྱིར་བཏོན་པ་རེད།
སྨན་པ་ཚོས་བཤད་རྒྱུར། ནད་པ་འདིས་འདི་ལྟ་བུའི་ཐང་ཤིང་ཞིག་ཁ་དབུགས་དང་ཆབས་ཅིག་རྔུབ་ཐུབ་ཐབས་མེད་པས། དོན་དམ་པར་ཐང་ཤིང་གི་ས་བོན་ཞིག་ཁོས་དབུགས་རྔུབ་དུས་གློ་བའི་ནང་དུ་སོང་བ་དང་། དེ་རྗེས་རིམ་བཞིན་ས་བོན་དེར་མྱུ་གུ་འབུས་ཏེ་ཡལ་ག་རྒྱས་པ་རེད་ལ། ནད་པའི་ཁ་ལུད་ཀྱི་ནང་དུ་ཁྲག་ཡོང་བ་ནི་གསར་དུ་འབུས་པའི་ཡལ་གའི་ཚེར་མ་ཡིས་ཁོའི་གློ་བའི་ནང་ངོས་སུ་བརྡར་བའི་རྐྱེན་གྱིས་ཐོན་པ་རེད་ཟེར།

-- ཐེ་བྲག་པས་བསྡུས་ཏེ་བསྒྱུར།

རིན་གོང་ཆེས་དམའ་བའི་འཁོར་ཆུང་།

འཛམ་གླིང་སྟེང་གི་རིན་གོང་ཆེས་དམའ་བའི་འཁོར་ཆུང་སྟེ། ཀྲ་ཀྲ་ནཱ་ནོ་འཁོར་ཆུང་།
རྒྱ་གར་གྱི་ཀྲ་ཀྲ་རླངས་འཁོར་བཟོ་སྐྲུན་ཀུང་སིས་ཉེ་ཆར་འཛམ་གླིང་སྟེང་གི་རིན་ཆེས་དམའ་བའི་རླངས་འཁོར་སྟེ། ཀྲ་ཀྲ་ནཱ་ནོ་འཛམ་གླིང་མི་དམངས་ཀྱི་མི་ལམ་དུ་བཤམས་ཡོད་པ་རེད།
ད་སྔ་ཀྲུང་གོའི་འཁོར་ཆུང་ནང་གི་རིན་གོང་ཆེས་དམའ་ཤོས་ནི་སེའུ་QQརྟགས་ཅན་ཡིན་ལ་དེའི་རིན་གོང་ནི་ཨ་སྒོར་༤༨༠༠ཡིན་ལ། རྒྱ་གར་གྱི་རིན་གོང་ཆེས་དམའ་ཤོས་ནི་སུ་རྫུའུ་ཀིས་མཱ་རུ་ཊི་༨༠༠རྟགས་ཅན་ཡིན་ལ་དེའི་རིན་གོང་ནི་ཨ་སྒོར་༥༠༠༠ཡིན་པ་དང་། ཨ་རིའི་འཁོར་ཆུང་རིན་གོང་ཆེས་དམའ་ཤོས་ནི་ཤེབ་རོ་ལེ་ཨ་ཝིའོ་ཡིན་ལ་དེའི་རིན་གོང་ནི་ཨ་སྒོར་༡༢༠༠༠ཡིན། འོན་ཀྱང་། ད་ཐེངས་གསར་དུ་བུད་པའི་ནཱ་ནོ་རྟགས་ཅན་གྱི་འཁོར་ཆུང་འདིའི་རིན་གོང་ནི་སྒོ་ཁྲལ་དང་ཚོང་ཁེ་བཅས་བརྩིས་རྗེས་ཨ་སྒོར་༢༢༠༠ཡིན་པ་རེད། རིན་གོང་དེ་ནི་ཀྲུང་གོའི་མི་དམངས་ཤོག་སྒོར་གཅིག་ཁྲི་ལྔ་སྟོང་ལའང་སླེབས་ཀྱི་མེད་པ་རེད།
ནཱ་ནོ་འཁོར་ཆུང་གསར་བཟོ་བྱས་པ་འདིས་རྒྱ་གར་མི་དམངས་ཀྱི་སེམས་སུ་འཁོར་ཆུང་ཟེར་བ་དེ་ཕྱུག་པོ་ཚོའི་རྩེད་ཆས་ཙམ་མ་ཡིན་པར་དངོས་སུ་ཁྱིམ་ཚང་རེ་རེར་ཡོད་ཐུབ་པའི་ཉིན་རེའི་འཚོ་བའི་ཆ་ཤས་ཤིག་ཡིན་པའི་ཚོར་བ་སྐྱེ་རུ་བཅུག་ཡོད།

-- ཐེ་བྲག་པས་བསྡུས་ཏེ་བསྒྱུར།

ན་ཆུང་གློག་ཀླད་རྒྱལ་བོ།

རྒྱ་གར་གྱི་རང་ལོ་༡༢ལ་སོན་པའི་སངས་རྗེབ་ནི་བཟང་སྤྱོད་ཀྱི་ཐོག་ནས་གློག་ཀླད་ལ་སིམ་འཛུལ་བྱེད་མཁན་ཞིག་ཡིན་ལ། ད་ལྟ་རྒྱ་གར་གྱི་གྲོང་ཁྱེར་མོམ་བྷེའེ་རུ་ཡོད་པའི་ཆ་འཕྲིན་ལག་རྩལ་བདེ་སྲུང་ཚོང་སྡེ་ཞིག་ཏུ་བློ་འདྲི་སའི་གོ་གནས་བཟུང་ཡོད།
ཁོ་རང་མི་སྒེར་དང་ཚོང་སྡེ་སོགས་ཀྱི་གློག་ཀླད་དུ་སིམ་འཛུལ་བྱས་ཏེ་ཁོང་ཚོའི་གློག་ཀླད་ཀྱི་བདེ་སྲུང་མ་ལག་དེ་ཅི་འདྲའི་འཁོས་ཆུང་ཞིག་ཡིན་པ་ར་སྤྲོད་བྱེད་ཀྱི་ཡོད། ཁོས་ད་བར་དུ་མི་སྒེར་དང་མཉམ་འབྲེལ་ཚོང་སྡེ་༥༠ལྷག་གི་གློག་ཀླད་མ་ལག་ནང་དུ་སིམ་འཛུལ་བྱས་ཡོད་ལ། བརྟག་དཔྱད་བྱས་པ་ལྟར་ན། ན་ཆུང་གློག་ཀླད་སིམ་འཛུལ་བ་མང་ཆེ་བས་གློག་ཀླད་སྤྱོད་མཁན་ཚོའི་གློག་ཀླད་དུ་གཏོར་བཅོམ་རང་བཞིན་ཚབས་ཆེན་ལྡན་པའི་ནད་འབུ་དང་དུག་རིགས་ཡོང་བར་འགོག་རྒོལ་བྱེད་ཀྱི་འདུག་ཟེར་ལ། གོང་གསལ་གྱི་ནད་འབུ་དང་དུག་རིགས་འདི་དག་ལ་གློག་ཀླད་མ་ལག་རྩ་མེད་དུ་གཏོང་བའི་ནུས་པ་ལྡན།


སངས་རྗེབ་ཀྱི་སློབ་སྦྱོང་དང་ལེགས་འགྲུབ་ཀྱི་ལོ་རྒྱུས།

རང་ལོ་༤ཐོག་ཏུ།

མི་ཕལ་བ་ཞིག་གིས་ཟླ་བ་༣གྱི་རིང་ལ་སྦྱོང་དགོས་པའི་གློག་ཀླད་ལེ་ཚན་བཟོ་སྒྲིག་གི་སློབ་ཚན་ཞིག་ཁོས་ཉིན་༡༥ནང་དུ་ཁོང་དུ་ཆུད།

རང་ལོ་༥ཐོག་ཏུ།

གློག་ཀླད་འགུལ་རིས་དང་HTMLསྒྲིག་བཟོའི་ལེ་ཚན། དེ་མིན་རི་མོ་སྒྲིག་བཟོ་ལེ་ཚན་དང་པར་རིས་སྒྲིག་བཟོ་ལེ་ཚན། པར་རིས་རྩོམ་སྒྲིག་ལེ་ཚན་བཅས་ཁོང་དུ་ཆུད།

རང་ལོ་༦ཐོག་ཏུ།

ཕྲ་མཉེན་ཚོང་སྡེའི་ལེ་ཚན་སྒྲིག་བཟོའི་མཐོ་རིམ་ཨང་རྟགས་ཇུས་འགོད་མཁས་པའི་ཐོབ་ཐང་བླངས། དེ་མིན་ལིན་ནཱག་སི་སོགས་ཀྱི་མ་ལག་འགའི་རྩ་ཐོའི་ཨང་རྟགས་ཇུས་འགོད་བཅས་ཀྱི་ཐད་ཞིབ་འཇུག་སློབ་མའི་ཐོབ་ཐང་བླངས།

རང་ལོ་༡༠ཐོག་ཏུ།

དགོས་ངེས་ཚད་གཞི་ཡོངས་ལ་རྒྱུགས་འཕྲོད་དེ་གློག་ཀླད་ལེ་ཚན་ཇུས་འགོད་ཀྱི་ཆེད་ལས་མཁས་པའི་ཐོབ་ཐང་དངོས་སུ་བླངས།

-- ཐེ་བྲག་པས་བསྡུས་ཏེ་བསྒྱུར།

གཤོག་ལྡན་རླངས་འཁོར།

གཤོག་ལྡན་རླངས་འཁོར་འདི་ནི་ཨ་རིའི་གནམ་གྲུ་བཟོ་གྲྭ་ཏེ་རཱ་ཧྥུའུ་རྒྱིས་ཡས་ཉེ་སྔོན་གསར་གཏོད་བྱས་པ་ཞིག་ཡིན་ལ་བསྡུས་མིང་ལ་བར་བརྒལ་ཟེར། གཤོག་ལྡན་རླངས་འཁོར་འདི་ཐོག་མར་ད་ལོའི་སྤྱི་ཟླ་༣པའི་ཚེས་༥ཉིན་གྲོང་ཁྱེར་ནེའུ་ཡོག་གི་ཕི་ལེ་ཚི་བྷག་རྒྱལ་སྤྱིའི་གནམ་ཐང་ནས་བདེ་ལེགས་ངང་འཕུར་བགྲོད་ཚོད་ལྟ་བྱས་ཟིན་ལ། ཚོད་ལྟ་བྱེད་མཁན་གྱི་་ཁ་ལོ་བ་མེ་ཏེར་གྱིས་བཤད་རྒྱུར། “འཕུར་སྐྱོད་ཐེངས་དང་པོ་བྱེད་སྐབས་ཀྱི་གནད་དོན་དང་པོ་ནི་གཏན་བརླིང་ཡིན་མིན་དེ་ཡིན་ལ། འདི་(གཤོག་ལྡན་རླངས་འཁོར)ནི་དངོས་གནས་བྲག་རྡོ་ལྟ་བུའི་སྲ་བརྟན་རེད་”ཟེར།
བར་བརྒལ་འདི་གནམ་གྲུ་ཞིག་ལས་རླངས་འཁོར་ཞིག་ཏུ་འགྱུར་བར་སྐར་ཆ་༣༠ཙམ་མ་གཏོགས་མི་དགོས་ལ། དེ་ཡང་གནམ་ནས་སར་བབས་མ་ཐག་ལམ་སེང་གཤོག་པ་གཉིས་ལྟེབས་རྩེག་བརྒྱབ་པས་ཆོག འདི་ནི་རྩེད་རིགས་གནམ་གྲུ་ཆུང་གྲས་ཀྱི་རིགས་སུ་བགར་ཡོད་པས་ཁ་ལོ་བར་རྩེད་རིགས་གནམ་གྲུའི་ཁ་ལོ་བའི་ལག་ཁྱེར་དགོས། གནམ་གྲུ་བཟོ་གྲྭས་གཤོག་ལྡན་རླངས་འཁོར་འདི་ག་དུས་ཁྲོམ་རར་འགྲེམས་རྒྱུ་ཡིན་མིན་ད་དུང་གསལ་བཤད་བྱས་མེད་ནའང་ད་ལྟ་ནས་མངགས་ཉོ་བྱེད་ཆོག་གི་ཡོད། མངགས་ཉོ་མཁན་གྱིས་ཨ་སྒོར་༡༠༠༠༠གཏའ་མར་འཇོག་དགོས་ལ་གཤོག་ལྡན་རླངས་འཁོར་གྱི་རིན་གོང་ངོ་མ་དེ་ཨ་སྒོར་༡༩༤༠༠༠ཙམ་ཡིན་པར་ཚོད་རྩིས་བྱེད་ཀྱི་ཡོད།

-- ཐེ་བྲག་པས་བསྡུས་བསྒྱུར་བྱས།

གཅིག་ང་ལ་བསྟན་ན་ཨེ་ཆོག

ཉིན་ཞིག་ལ་བློ་བཟང་དོན་དག་ཅིག་གི་ཆེད་དུ་གྲོགས་པོའི་ཁྱིམ་དུ་སོང་། གྲོགས་པོ་ཚང་གི་སྒོ་ཁར་སླེབས་པ་ན་ཁོས་སྒོ་དྲིལ་བརྡུངས་པས་གྲོགས་པོའི་ཆུང་མས་ཐོས།

“སུ་ཡིན།”
“བཀྲ་ཤིས་ནང་དུ་འདུག་གམ།”
“མི་འདུག ཁོ་ཚོང་ཁང་དུ་ཕྱིན་སོང་།”
“འོ་ན་ངས་ནང་ནས་ཅུང་ཙམ་སྒུག་ན་འགྲིག་གམ།”
“འགྲིག་དང་འགྲིག ནང་དུ་ཕེབས།”

ཁོང་ཚོ་སར་བསྡད་རྗེས་བློ་བཟང་གིས།

“ཚེ་རིང་འཚོ། ཁྱེད་ཀྱི་ནུ་མ་དེ་གཉིས་དངོས་གནས་མཛེས་ཤིང་ཆེ་བས་ངའི་མི་ཚེའི་ནང་ནས་འདི་འདྲ་མཐོང་མྱོང་མེད། དེ་བས་གལ་སྲིད་ཁྱེད་ཀྱིས་ང་ལ་ཁྱེད་ཀྱི་ནུ་མ་གཅིག་བསྟན་ན་ངས་ཁྱེད་ལ་སྒོར་མོ་བརྒྱ་བྱིན་ཆོག”

ཚེ་རིང་འཚོས་བསམ་བློ་ཅུང་ཙམ་བཏང་རྗེས། རེད། འདི་འདྲའི་སླ་བོས་སྒོར་མོ་བརྒྱ་ལེན་ཐུབ་ན་དེ་མི་ལེན་གང་ལེན་སྙམ་ཏེ་ལམ་སེང་སྟོད་ལྭའི་གོང་སྲུབས་ཁ་ཕྱེས། བློ་བཟང་གིས་ཁོ་མོར་ཐུགས་རྗེ་ཆེ་ཞུས་རྗེས་སྒོར་མོ་བརྒྱ་ཅོག་ཙེའི་ཐོག་ཏུ་གཡུགས།
ཁོང་ཚོ་ཅུང་ཙམ་བསྡད་རྗེས་ཡང་བསྐྱར་བློ་བཟང་གིས།

“ཁྱེད་ཀྱི་ནུ་མ་དེ་གཉིས་དངོས་གནས་མཛེས་པས་ངས་ནུ་མ་གཉིས་ཀ་ལ་བལྟ་ན་འདོད། གལ་སྲིད་ཁྱེད་ཀྱིས་ང་ལ་ནུ་མ་གཉིས་ཀ་བསྟན་ན་ངས་ཁྱེད་ལ་ཡང་བསྐྱར་སྒོར་མོ་བརྒྱ་བྱིན་ཆོག”

ཚེ་རིང་འཚོས་བསམ་བློ་ཅུང་ཙམ་བཏང་རྗེས། མི་འགྲིག་རྒྱུ་མི་འདུག་སྙམ་ནས་སྟོད་ལྭའི་གོང་སྲུབས་ཡོངས་སུ་ཕྱེས་ཏེ་བློ་བཟང་ལ་ཡིད་ཚིམས་པ་ཞིག་བལྟ་རུ་བཅུག བློ་བཟང་གིས་ཁོ་མོར་ཐུགས་རྗེ་ཆེ་ཞུས་རྗེས་ཡང་བསྐྱར་སྒོར་མོ་བརྒྱ་ཅོག་ཙེའི་ཐོག་ཏུ་གཡུགས། དེ་རྗེས་ཁོས་ད་ནི་སྒུག་ཡུན་རིང་སོང་བས་འགྲོ་དགོས་ཟེར་ནས་ཕྱིན་སོང་།
ཡུད་ཙམ་རྗེས་ནས་བཀྲ་ཤིས་ཁྱིམ་དུ་ཕྱིར་སླེབས། ཁོའི་ཆུང་མས་ཁོ་ལ་“ཁྱེད་ཀྱི་དགོད་བྲོ་བའི་གྲོགས་པོ་བློ་བཟང་ཟེར་བ་དེ་འདིར་སླེབས་བྱུང་།”
བཀྲ་ཤིས་ཀྱིས་འདང་ཞིག་བརྒྱབ་རྗེས། “འོ་རེད། ཁོས་ངའི་ལག་ནས་སྒོར་མོ་ཉིས་བརྒྱ་བསྐྱིས་སོང་བས་ཁྱེད་ཀྱི་ལག་ཏུ་སྐྱིན་ཚབ་བཞག་བྱུང་ངམ།”

བརྩེ་དུང་ཡང་དག

མི་ཞིག་གི་ཐེངས་དང་པོའི་བརྩེ་དུང་ནི་ཐེངས་གཉིས་པའི་བརྩེ་དུང་རྙེད་རག་བར་དུ་ཡང་དག་ཡིན།

-- ཨ་སི་ཋོན།

དྲ་ཐོག་གི་ཁྱི།

དྲ་ཐོག་ཏུ་ཁྱེད་རང་ཁྱི་ཞིག་ཡིན་རུང་ཤེས་མཁན་མེད།

-- ཕིས་ཋིར་སི་ཋེན་གྱིས།

མགོ་སྐོར།

ཁྱེད་ཀྱིས་མི་འགའ་རེར་དུས་རྟག་ཏུ་མགོ་སྐོར་གཏོང་ཐུབ་ལ། མི་ཚང་མར་མཚམས་མཚམས་སུ་མགོ་སྐོར་གཏོང་ཐུབ། འོན་ཀྱང་། ཁྱེད་ཀྱིས་མི་ཚང་མར་དུས་རྟག་ཏུ་མགོ་སྐོར་གཏོང་མི་ཐུབ།

-- ཨབ་ར་ཧམ་ལིན་ཁོན་གྱིས།

བྱིས་བློའི་དགོད་གཏམ།

ཇོ་བོ་རིན་པོ་ཆེ་འཚོལ་བ།

དགེ་རྒན་དོན་འགྲུབ་ཀྱིས་སློབ་མ་ཚོའི་སེམས་སུ་དོན་དམ་པར་རང་རེའི་སྲོལ་རྒྱུན་ཆོས་ལུགས་ཀྱི་བག་ཆགས་ག་ཚོད་ཡོད་མེད་བལྟ་ཆེད་དུ། "ཇོ་བོ་རིན་པོ་དེ་རིང་གང་དུ་བཞུགས་ཡོད་དམ།" ཞེས་དྲིས་པར།
སློབ་བུ་བཀྲ་ཤིས་ཀྱིས་ལག་པ་ཡར་བཀྱགས་ཏེ། "ཇོ་བོ་རིན་པོ་ཆེ་ལྷ་སར་བཞུགས་ཡོད།" ཅེས་ལན་བཏབ།
སློབ་བུ་ཚེ་རིང་གིས་ལན་འདེབས་དོན། "ཇོ་བོ་རིན་པོ་ཆེ་སོ་སོའི་སེམས་སུ་བཞུགས་ཡོད།" ཟེར།
སློབ་ཕྲུག་ཟླ་བས་ལག་ཆུང་གཉིས་མྱུར་མོས་གཡུག་བཞིན། "ཇོ་བོ་རིན་པོ་ཆེ་ངེད་ཚང་གི་སྤྱོད་ཁང་དུ་བཞུགས་ཡོད།" ཟེར་བར། དགེ་རྒན་དོན་འགྲུབ་ཀྱིས་མཚར་སྣང་དང་བཅས་འདྲི་རྒྱུར། "དེར་བཞུགས་ཡོད་པ་ཁྱེད་ཀྱིས་ཅི་ལྟར་ཤེས།"
སློབ་ཕྲུག་ཟླ་བས་ཐེ་ཚོམ་ཅི་ཡང་མེད་པར་ཤོད་དོན། "རྒྱུན་དུ་ཞོགས་པར་ངེད་ཚང་གི་ཨ་ཕས་སྤྱོད་ཁང་གི་སྒོར་ཁུ་ཚུར་གྱིས་རྡུང་བཞིན། ‘ཇོ་བོ་རིན་པོ། ཁྱེད་ད་དུང་ཡང་ནང་དུ་ཡོད་དམ’ཅེས་སྐད་ཅོར་རྒྱག" ཟེར།

ཁ་བཙོག་དགོད་གཏམ།

ཐེངས་གསུམ་བག་མ་ཞབས་གསར་མ།

ལོ་ན་ཅུང་ཆེ་བའི་བུད་མེད་ཅིག་གིས་རང་ཉིད་ཀྱི་གཉེན་སྒྲིག་ཐེངས་བཞི་བའི་གཉེན་སྟོན་ལ་གྲ་སྒྲིག་བྱེད་ཆེད། གཉེན་དོན་སློབ་སྟོན་པའི་རྩར་བསླབ་བྱར་ཉན་དུ་སོང་།
“སྐུ་ཞབས་ལགས། ངས་ངའི་ཁྱོ་ག་ལ་ང་དུང་ཡང་ཞབས་གསར་མ་ཞིག་ཡིན་པ་དེ་ཅི་ལྟར་ཤོད་དགོས་སམ།”
“བུ་མོ། ཁྱོད་གཉེན་སྒྲིག་ཐེངས་དེ་འདྲའི་མང་བོ་ཞིག་བྱས་པས། ཁྱེད་ཞབས་གསར་མ་ཞིག་ཡིན་སྲོལ་མེད།”
“སྐུ་ཞབས། ངའི་ཁྱོ་ག་དང་པོ་དེ་སེམས་ཁམས་རིག་པ་བ་ཞིག་ཡིན་པས། ཁོ་རང་གིས་གཅིག་བྱེད་འདོད་པ་ནི་སྐད་ཆ་བཤད་རྒྱུ་ཁོ་ན་རེད། དེའི་རྗེས་ཀྱི་ཁྱོ་ག་དེ་འཛུགས་སྐྲུན་ངལ་རྩོལ་ལས་ཀ་པ་ཞིག་ཡིན་པས། རྒྱུན་དུ་ངེད་གཉིས་ཀྱིས་དེ་སང་ཉིན་ལས་ཟེར། ཁྱོ་ག་མཐའ་མ་དེ་མོ་ནད་སྨན་པ་ཞིག་ཡིན་པས། ཁོས་རྒྱུན་པར་ངའི་དེ་ལ་ལྟ་ཞིབ་བྱས་ནས་བསྡད། ད་ཐེངས་ང་ཁྲིམས་རྩོད་པ་ཞིག་དང་མཉམ་དུ་གཉེན་སྒྲིག་བྱེད་བཞིན་ཡོད་པས། ད་ཐེངས་ཡིན་ན་ངའི་ཨོང་ཤ་ས་ལ་རྡེབ་རྒྱུ་རེད།”


ཉལ་དང་ལངས་པའི་ཁྱད་པར།

ཕོ་གསར་ཞིག་སྲང་བར་དུ་མྱུལ་བཞིན་པའི་སྨད་འཚོང་མ་དེའི་འགྲམ་དུ་སོང་སྟེ། "ག་ཚོད་རེད།" ཅེས་དྲིས་པར། ཁོ་མོས་འཛེམས་དོགས་མེད་པར། "མར་ཉལ་ན་སྒོར་མོ་༡༠༠དང་ལངས་ཏེ་ལས་ན་སྒོར་མོ་༧༥་རེད།" ཅེས་ལན་བཏབ། ཕོ་གསར་གྱིས་མགོ་འཕྲུག་བཞིན། "དེ་གཉིས་ལ་ཁྱད་པར་ཅི་ཞིག་འདུག" ཅེས་པར། ཁོ་མོས། "འོ། དེ་ངའི་སྐྲ་མཛེས་བཟོ་མཁན་གྱི་རིན་རེད།" ཅེས་བཤད།

ལེགས་བཤད།

མི་ཀླད་སྟོང་ཞིག་གིས་མི་གྲུང་བོ་ཞིག་གི་གསུང་དེ་ཇི་ལྟ་བ་བཞིན་དུ་ལུང་འདྲེན་བྱེད་ཐབས་མེད་དེ། རྒྱུ་མཚན་ནི་ཁོས་རང་ཤུགས་ཀྱིས་རང་ཉིད་ཀྱིས་ཅི་ཐོས་དེ་རང་ཉིད་ཀྱིས་ཧ་གོ་ཚོད་ལྟར་འགྲེལ་བརྗོད་བྱེད་པས་སོ།།
--དུས་རབས་ཉི་ཤུ་བའི་ཚབ་མཚོན་ཤེར་རྟོག་རིག་པ་བ་སྐུ་ཞབས་རཱུ་ཟེལ་གྱིས།

ངས་རང་ཉིད་ཀྱི་ལྟ་བའི་ཆེད་དུ་སྲོག་གཏོང་མི་ནུས་ཏེ། རྒྱུ་མཚན་ནི་ང་ནོར་ཡོད་སྲིད་པས་སོ།།
--དུས་རབས་ཉི་ཤུ་བའི་ཚབ་མཚོན་ཤེར་རྟོག་རིག་པ་བ་སྐུ་ཞབས་རཱུ་ཟེལ་གྱིས།

གལ་སྲིད་འཇིག་རྟེན་འདིར་རང་ལས་གཞན་གྱི་བདེ་སྐྱིད་ལ་སྙེག་མཁན་མང་བོ་ཞིག་ཡོད་མྱོང་ན། ང་ཚོའི་འཇིག་རྟེན་འདི་ཉིན་གཉིས་གསུམ་གྱི་ནང་ལྷ་ཡུལ་དུ་འགྱུར་ཡོད་རྒྱུ་རེད།
--དུས་རབས་ཉི་ཤུ་བའི་ཚབ་མཚོན་ཤེར་རྟོག་རིག་པ་བ་སྐུ་ཞབས་རཱུ་ཟེལ་གྱིས།

འགྲོ་བ་མི་ནི་གནས་ལུགས་ལ་དགའ་བའི་སེམས་ཅན་ཞིག་ཡིན་ཟེར། ངས་མི་ཚེ་གང་བོར་ལྟ་བ་འདིའི་རྒྱབ་སྐྱོར་དུ་རུང་བའི་ཁུངས་ལུང་བཙལ་ནས་བསྡད།
--དུས་རབས་ཉི་ཤུ་བའི་ཚབ་མཚོན་ཤེར་རྟོག་རིག་པ་བ་སྐུ་ཞབས་རཱུ་ཟེལ་གྱིས།

སྲིད་གཞུང་ཞིག་ཁྲིམས་ལུགས་མེད་ཀྱང་ལས་སླ་བོར་གནས་ཐུབ་མོད། ཁྲིམས་ལུགས་ནི་སྲིད་གཞུང་མེད་ན་གནས་མི་ཐུབ།
--དུས་རབས་ཉི་ཤུ་བའི་ཚབ་མཚོན་ཤེར་རྟོག་རིག་པ་བ་སྐུ་ཞབས་རཱུ་ཟེལ་གྱིས།


རྒྱལ་གཅེས་རིང་ལུགས་ནི་དོན་ཆུང་གི་ཆེད་དུ་གསོད་དང་གསོད་བྱར་འགྱུར་བའི་མོས་བློ་ཡིན།
--དུས་རབས་ཉི་ཤུ་བའི་ཚབ་མཚོན་ཤེར་རྟོག་རིག་པ་བ་སྐུ་ཞབས་རཱུ་ཟེལ་གྱིས།


རྒྱལ་གཅེས་རིང་ལུགས་པ་ཚོས་རྟག་པར་རང་ཉིད་ཀྱི་རྒྱལ་ཁབ་ཀྱི་ཆེད་དུ་འཆི་དགོས་རབས་བརྗོད་པ་ལས་གསོད་དགོས་རབས་མི་བརྗོད།
--དུས་རབས་ཉི་ཤུ་བའི་ཚབ་མཚོན་ཤེར་རྟོག་རིག་པ་བ་སྐུ་ཞབས་རཱུ་ཟེལ་གྱིས།


ཆེས་ཛ་དྲག་ཆེ་བའི་རྩོད་རྙོག་ཁག་ནི་ཕྱོགས་གཉིས་ཀར་བདེན་དཔང་ཡང་དག་ཅིག་མེད་པའི་སྐབས་སུ་འབྱུང་།
--དུས་རབས་ཉི་ཤུ་བའི་ཚབ་མཚོན་ཤེར་རྟོག་རིག་པ་བ་སྐུ་ཞབས་རཱུ་ཟེལ་གྱིས།

དགོད་གཏམ།

ཞི་ལ་ནག་པོ་བཀྲ་ཤིས་པའི་རྟགས།

ཚེ་རིང་གིས། ཨ་ཕ།ཇ་ཁང་ནང་དུ་ཞི་ལ་ནག་པོ་ཞིག་འདུག
ཨ་ཕས། དེ་ཡག་པོ་རེད།ཞི་ལ་ནག་པོ་བཀྲ་ཤིས་པའི་རྟགས་རེད།
ཚེ་རིང་གིས། རྒྱུན་དུ་དེ་འདྲ་མིན་པ་འདྲ།ཞི་ལ་ནག་པོ་འདིས་ཁྱེད་ཀྱི་དགོང་ཟས་བཟའ་བཞིན་འདུག

ལི་རྒྱ་མ་གཉིས།
ཨ་མས། ངས་ངའི་ཕྲུ་གུ་ལི་རྒྱ་མ་གཉིས་ཉོ་རུ་མངགས་ཀྱང་ཁྱེད་ཀྱིས་ཁོ་ལ་རྒྱ་མ་གཅིག་དང་ཕྱེད་ཀ་མ་གཏོགས་སྤྲད་མི་འདུག
ཚོང་པས། ལྕམ་མོ།ངའི་རྒྱ་མར་ནོར་འཆུགས་མེད།ཁྱེད་ཀྱིས་རང་ཉིད་ཀྱི་ཕྲུ་གུ་རྒྱ་མར་ཨེ་ཚད།

རྒུན་འབྲུམ་དང་ངང་ལག
ཚེ་རིང་གིས། ཨ་ཕ།རྒུན་འབྲུམ་བཞིའི་སྟེང་དུ་གསུམ་བཞག་ན་ག་ཚོད་རེད།
ཨ་ཕས། ཁྱེད་ཀྱིས་རྩིས་གཞི་འདི་འདྲའི་སླ་བོ་ཞིག་ཀྱང་རྩི་མི་ཤེས་སམ།ཁྱེད་ཀྱིས་རྩིས་གཞི་འདི་འདྲ་ཞིག་སྔོན་ཆད་བརྩིས་མྱོང་མེད་དམ།
ཚེ་རིང་གིས། མ་རེད།ཨ་ཕ།ང་ཚོས་སློབ་གྲྭ་ནས་རྒྱུན་པར་ངང་ལག་བེད་སྤྱོད་བཏང་བ་ཡིན།

ཨ་མ་དང་ཕྲུ་གུ
ཨ་མས། ཕ་ཡུལ་ལགས།ཁྱེད་ནི་ངའི་སྙིང་ཉེ་བའི་ཡུམ་ཆེན་ཡིན།
ཕྲུ་གུས། ཕ་ཡུལ་ལགས།ཁྱེད་ནི་ངའི་སྙིང་ཉེ་བའི་རྨོ་རྨོ་ཡིན།
ཨ་མས། ཁྱེད་ཀྱིས་ཅིའི་ཕྱིར་དེ་ལྟར་བཤད་པ་ཡིན།
ཕྲུ་གུས། ཁྱེད་ཀྱི་ཡུམ་ཆེན་ངའི་རྨོ་རྨོ་མ་ཡིན་ནམ།