གངས་ཁྲོད་དུ་རྒྱུ་བའི་གླུ་དབྱངས།

སྟོད་གངས་དཀར་རི་བོའི་རྩེ་མོ་ན།།
སེང་དཀར་མོ་གསུམ་གྱིས་གཡུ་རལ་ངོམ།།
མགོ་གཡུ་རལ་མ་བདེ་མ་ཡིན་ཏེ།།
ལུས་དཔའ་སྟོབས་རྫོགས་པའི་རྟགས་མཚན་རེད།།

བར་རྫ་རི་སྨུག་པོའི་སྐེད་པ་ན།།
སྟག་ཤ་ར་གསུམ་གྱིས་ཀི་སྐོར་བྱེད།།
ལས་རླུང་རྟ་རྒུད་པ་མ་ཡིན་ཏེ།།
ཞེ་སྡང་སའི་དགྲ་ཞིག་ཡོད་རྟགས་རེད།།

སྨད་སྤང་ལྗོངས་སྔོན་མོའི་དང་ཁུག་ན།།
མ་བུ་མོ་གསུམ་གྱིས་མགྲིན་གླུ་ལེན།།
སེམས་སྣང་བ་སྐྱིད་པ་མ་ཡིན་ཏེ།།
ཡིད་ཤོར་སའི་རོགས་རེ་ཡོད་རྟགས་རེད།།

༢༠༠༧ ལོའི་ཟླ་༨ པའི་ཚེས་༢༤ ཕྱི་དྲོ་རྨེ་བ་རྫོང་མཁར་ནས་བྲིས།